Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
НЕЕМИЙ ЛЭПТÖ ЕРУСАЛИМ КАРЛЫСЬ СТЕНЪЯССÖ
Неемий вöлi персияса Артаксеркс*а öксы керкаын пыдди пуктана кесъялысь. Öти юдей локтiс Ерусалимысь сы дiнö да висьталiс, юдейясöс пö ёна увтыртöны да дзескöдöны ас муас. Ерусалимлысь стенсö пö кисьтöма да дзиръяяссö сотöма. Тайöс кылöм бöрын Неемий уна лун чöж шогсис, бöрдöмöн да видзалö мöн кевмысис Енлы.
Артаксеркс öксы лэдзис Неемийлы мунны Ерусалимö, медым выльысь лэптыны карсö. Ерусалимö локтöм бöрын Неемий юдей войтыркöд пырысь-пыр босьтчис уджö. Кор паныд мунысьяс кылiсны та йылысь, найö кöсйисны уськöдчыны Ерусалим вылö, медым дугöдны сэнi уджсö. Та вöсна из новлöдлысьяс öти кинас вöчисны удж, а мöд киас кутiсны шы. Стен лэптысьяслöн коскас öшалiс шыпурт. Ен Ачыс видзис уджалысьясöс.
Кор стенсö вöлi эштöдöма, став войтырыс чукöртчис да корис Ездраöс, Индöдö велöдысьöс, лыддьыны Мöисейлысь Индöдсö. Сiйö лыддис Индöдсö шондi петöмсянь лун шöр кадöдз. Ставныс сюся кывзiсны. Лыддьöм бöрас Ездра ошкис Енмöс, а став войтырыс кинысö лэптöмöн шуалiс: «Аминь, аминь». Сэсся муöдзыс копыртчылöмöн ставныс кевмысисны Енлы.
Неемий 1-8
*а Артаксеркс ыджыдалiс Персия вылын Кристос чужтöдз 465-425 воясö. Тайö мöд Артаксеркс, абу сiйö, кодлöн гöтырыс вöлi Эсфир.
246 
