Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИОВЛÖН СЬÖКЫДАЛÖМ
Уз муын олiс Иов нима зэв озыр морт. Сылöн вöлi сизим пи да куим ныв. Иов олiс веськыда, полiс Енмысь да öтдортчис лёксьыс. Сiйö пыр ошкис Енмöс. Но омöльыс кöсйис, медым Иов дугдiс ошкыны Енсö.
Öтчыд омöль локтiс Ен дiнö. Ен юалiс сылысь: «Кытысь тэ локтiн?» Омöль вочавидзис: «Ме ветлöдлi му вывтi да кытшовтi став муюгыдсö». Ен шуис: «Аддзылiн-ö Менсьым Иов кесъялысьöс? Сы кодьыс му вылас абу. Сiйö бур да вежавидзысь*а морт, олö веськыда да öтдортчö лёксьыс». Омöль вочавидзис: «Тэ видзан Иовöс, сылысь гортсасö да ставсö, мый сылöн эм. Тэ бурсиан сылысь став уджсö, сылöн пемöсъясыс рöдмöны-паськалöны став му пасьтала. Та вöсна Иов олö вежавидзöмöн. Но Тэ кö нюжöдан китö да босьтан сылысь ставсö, сiйö ёрас Тэнö». Ен шуис омöльлы: «Сiдзкö, ставыс, мый сылöн эм, тэнад киын».
Сэки омöль кутiс быд ногыс лёк вöчны Иовлы. Иовлöн кулiсны ныв-пиыс, сiйö воштiс став озырлунсö. Но Иов эз кут лёкöдны Енмöс, а шуис: «Господь сетiс, Господь и босьтiс. Ошкана Господьлöн нимыс!» Гöтырыслы сiйö шуис: «Сöмын öмöй бурсö босьтам Енсяньыс, а лёксö огö босьтöй?» Сэсся омöль мöдöдiс Иовлы сьöкыд висьöм, сылöн кучикыс ставнас орзис. Иов ёна сьöкыдалiс, но весиг та дырйи сiйö эз мыжмы Ен водзын.
Иовлöн ёртъясыс кылiсны сылöн сьöкыдалöм йылысь да локтiсны бурöдны сiйöс. Но бурöдöм да шогсö юкöм пыдди найö кутiсны мыжавны Иовöс. Иов кывзiс найöс, но отсöгсö виччысис сöмын Енсянь. Ставсöвермысь Ен вылö лача кутöмöн сiйö шуис: «Ме тöда, мый менö Мездысь ловъя. Сы сайын медбöръя кывйыс».
Иов 1-5, 19:25
*а вежавидзысь – набожный, благочестивый
250 
