Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ТÖДЫСЬЯС МУНÖНЫ КОДЗУВ БÖРСЯ
Исус чужис Ирöд öксы веськöдлан кадö. Исуслöн чужöм мысти асыввылысь Ерусалим карö воисны кодзув тöдысьяс. Найö юалiсны: «Кöнi юдейяслöн пузчужöм öксыыс? Асыввылысь ми аддзылiм Сылысь кодзувсö да локтiм Сылы копыртчывны». Тайöс кылöмысь Ирöд öксы инас эз кут öшйыны, шызис тшöтш дзоньнас Ерусалим карыс. Ирöд корис аркирейясöс Индöдö велöдысьяскöд да юалiс налысь: «Кöнi Кристос чужас?» Найö вочавидзисны: «Юдея муын, Виплием карын. Тадзи пророклöн гижöма».
Ирöд гусьöн корис ас дiнас тöдысьясöс да юалiс налысь кодзув петан кадсö. Сэсся мöдöдiс найöс Виплиемö да шуис: «Ветлöй, кага йывсьыс ставсö тöдмалöй. Аддзöм бöраныд юöртöй меным, ме тшöтш вола копыртчывны Сылы». Збыльвылас кö, Ирöд полiс, мый Исус вермас пуксьыны сы пыдди öксыö. Та вöсна шуис вины Сiйöс.
Тöдысьяс петiсны туйö. Асыввылысь аддзылöм кодзулыс кывтiс на водзвылын. Сэсся сувтiс буретш сэтчö, кöнi вöлi кагаыс.
Матвей 2:1-9
300 
