Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИСУСЛÖН ДАС КЫК ВЕЛÖДЧЫСЬ
Исус колис Назарет карсö да овмöдчис Капернаумö, Генесарет ты дорö. Тадзи инiс Исай пророклöн шуöмыс: «Завулон му, Неффалим му, саридз туй вылын, Йöрдан ю сайын мукöд войтыра Галилея му! Пемыдын олысь войтыр яр биа югыд аддзис. Кулан вуджöр улын олысьяслы югыд кыа петiс». Капернаумын Исус пондiс юöртны-висьтавлыны: «Бергöдчöй мыжъяссьыныд! Енэжвыв Юралöмыс*а матын нин». Исус бöрся мунiс уна йöз, Сiйö велöдiс найöс да унаöс бурдöдiс.
Исус бöрйис дас кык велöдчысьöс, медым велöдны найöс да мöдöдны висьтавлыны Бур Юöр. Симон-Петыр да сылöн Öндрей вокыс вöлiны чери кыйысьяс. Найöс аддзöм бöрын Исус шуис: «Локтöй Ме бöрся. Ме вöча тiянысь морт кыйысьясöс». Тайöс колö гöгöрвоны, мый Исус велöдас найöс, кыдзи бергöдны йöзöс мыжа туй вылысь збыль туй вылö. Петыр да Öндрей дзик пыр эновтiсны тывъяснысö да мунiсны Исус бöрся. Исус мунiс водзö да аддзис нöшта кык вокöс: Яковöс да Иоанöс. Зеведей батьныскöд найö дзоньталiсны тывъяс. Исус чукöстiс вокъясöс. Найö колисны пыжсö, батьнысö да мунiсны Исус бöрся. Тадзи и мукöд велöдчысьясыс, кор кылiсны Исуслысь чукöстöмсö, пыр жö мунiсны Сы бöрся.
Дас кык велöдчысьыс вöлiны: Симон (мöд нимыс Петыр), Зеведей Яков да сылöн Иоан вокыс, Öндрей, Филип, Варфоломей (мöд нимыс Нафанаил), Матвей (мöд нимыс Левий), Фома, Алфей Яков, Фаддей (шуисны тшöтш Леввейöн да Яков Иудаöн), Кананит Симон да Искариот Иуда, Исусöс вузалысь. Ставныс найö вöлiны велöдчытöм йöз. Исус сетiс налы вын бурдöдавны висьысьясöс да вöтлавны пеж ловъясöс.
Матвей 4:12-22, Марк 3:13-19
*а Енэжвыв Юралöм – Царство Небесное
316 
