Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ВОТ ПЕРЙЫСЬ ЗАККЕЙ БЕРГÖДЧÖ ЕНЛАНЬ
Ерикон карын олiс Заккей нима озыр морт, вот перйысьяслöн юралысьыс. Вот перйысьяс дзескöдлiсны войтырсö, тшöкыда босьтлiсны вотсö коланасьыс унджык. Та вöсна йöзыс лöгалiсны на вылö.
Заккейлы кывсис, мый Исус локтöма сылöн карö. Сэки мунiс, мед аддзывны Сiйöс. Заккей матыстчис йöз чукöрлань, но ичöт тушаыс вöсна йöз сайсяньыс эз вермы аддзыны Исусöс. Заккей котöртiс водзö да кавшасис пу вылö. Буретш сiйö туйöдыс локтö вöлi Исус. Пу весьтö воигöн Исус видзöдлiс вывлань, аддзис Заккейöс да шуис: «Заккей, лэччы öдйöджык. Талун Меным колö лоны тэ ордын».
Заккей тэрмасьöмöн лэччис пу вылысь, сэсся долыдпырысь сiйö сибöдiс Исусöс гортас. Тайöс аддзылысьяс шуасисны, мыжа морт ордö пö мунiс. Кор Исус пукалiс Заккей ордын, Заккей сувтiс да шуис: «Господьöй, овмöслысь джынсö сета гöльяслы да кодлысь ылöдлöмöн босьтi, сылы нёль пöвстöн вешта». Исус шуис Заккейлы: «Талун воис мездмöм тайö керкаас. Öд сiйö тшöтш Öвраам пи. Морт Пи локтiс корсьны да мездыны вошöмаöс».
Лука 19:1-10
386 
