Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИСУС ПЫРÖ ЕРУСАЛИМÖ
Ерусалимлань матыстчигöн Исус велöдчысьясыскöд воисОлив керöсын сулалысь Виффагия сикт дорö. Ассьыс кыквелöдчысьсö мöдöдiгöн шуис: «Мунöй тайö сиктас. Сэтчö пыри-ганыд аддзанныд домалöм чаня осёлöс. Разьöй да вайöдöй найöсМе дiнö. Тiянлы кö мыйкö шуасны, вочавидзöй, мый найö колöныГосподьлы. Сэки тiянлы дзик пыр сетасны».
Мöдöдöмаяс мунiсны да аддзисны: ставыс вöлi Исуслöнвисьталöм серти. Том осёлöс разиганыс видзысьыс юалiс: «Мыйларазянныд?» Велöдчысьяс вочавидзисны: «Сiйö колö Господьлы».Велöдчысьяс вайöдiсны осёлöс чаньыскöд да пукталiсны на вылöпаськöмнысö, сэсся Исус пуксис. Кор Сiйö мунiс осёл вылын,йöзыс вольсавлiсны паськöмнысö туй вылас, мукöдыс чегъялiсныпу вожъяс да тшöтш пукталiсны. Йöзыс горзiсны:
– Осанна*а! Ошкöм Давид Пилы!
Бурсиöма Господь нимöн Локтысьöс!
Ошкöм Медвылыссалы!
Тадзи инiс пророклöн шуöмыс:
– Висьталöй Ерусалимлы:
видзöд, Öксыыд локтö тэ дiнö!
Сiйö рам, пукалö осёл вылын,
сийöсалöм*б осёллöн чань вылын.
Кор Исус пырис Ерусалимö, став карыс шызис, быдöн юасис: «Кодi тайö?» Йöзыс шуалiсны: «Тайö Исус, Галилеяса Назарет карысь Пророк». Фарисейяс сёрнитiсны ас костаныс: «Аддзанныд-ö, ми нинöм огö вермöй вöчны. Став йöзыс мунö Сы бöрся». Фарисейясысь кодсюрö шуисны Исуслы: «Велöдысь, öлöд велöдчысьястö!» Исус воча шуис: «Висьтала тiянлы: найö кö ланьтасны, изъяс шыасясны».
Матвей 21:1-11, Лука 19:29-40, Иоан 12:12-19
*а Осанна – Енмöс ошкана кыв, сылöн вежöртасыс ”мезды миянöс”
*б сийöсавны – надеть хомут, ярмо
390 
