Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИСУС КЕВМЫСЬÖ ГЕФСИМАНЫН
Войнас Исус дас öти велöдчысьыскöд петiс Еруслимысь, вуджис Кедрон ю да локтiс Гефсиман нима сиктö. Сэнi Сiйö шуис велöдчысьясыслы: «Пукалыштöй танi, Ме ветла кевмысьны». Аскöдыс босьтiс Петырöс да Зеведейлысь кыкнан писö. Исусöс гажтöм да шогалöм босьтiс. Сiйö шуис: «Шогöй кувмöн топöдö лолöс. Олыштöй танi Мекöд да энö узьöй».
Ачыс ылыстчис наысь да пидзöс вылас сувтöмöн кевмысис: «Батьöй, кöсъян кö, вешты Ме дiнысь тайö чашасö. Сöмын мед лоас Тэнад кöсйöм серти, а оз Менам». Сэки андел лэччис енэжсянь да ёнмöдiс Сiйöс. Шогыскöд вермасигöн Исус ёнджыка на кевмысис. Сылöн пöсьыс вирöн войталiс муö.
Кевмысьöм бöрас Исус чеччис да локтiс велöдчысьяс дiнас. Аддзис, мый найö шогысла унмовсьöмаöсь. Сэки шуис налы: «Мый тi узянныд? Чеччöй, кевмысьöй, мед ыштöдöмыс эз вермы тiянöс. Лолыд öд пыр дась, а вир-яйыд жеб».
Исус мöдысь мунiс да бара кевмысис: «Батьöй, Ме дiнысь кö оз позь вештыны тайö чашасö, но Меным кö колö юны сiйöс, мед лоас Тэнад кöсйöм серти».
Матвей 26:36-42, Лука 22:39-46
414 
