Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИСУСÖС ДЗЕБÖМ
Юдейяслöн веськöдлысьяс эз кöсйыны, медым крестö тувъялöмаяс колисны öшавны шойччан лун кежлö. Та вöсна корисны Пилатöс, медым тшöктас чегъявны налысь кокчöр лыяссö да лэдзны найöс крест вылысь. Кор шыпуртаяс матыстчисны Исус дiнö, аддзисны, мый Сiйö кулöма нин. Та вöсна кокчöр лыяссö Сылысь эз кутны чегъявны. Шыпуртаяс пиысь öти бытшкис Исуслы шынас ордлы костас, сэтысь чепöсйис вир да ва. Тадзи збыльмис Гижöдын висьталöмыс: «Сылысь лысö оз ло чегъялöма». Мöдлаын гижöма: «Кутасны видзöдны Сы вылö, кодöс бытшкасны».
Аримафея карысь воис Öсип нима озыр морт, Исуслöн велöдчысь. Сiйö мунiс Пилат дiнö да корис Исуслысь шойсö. Пилат лэдзис босьтнысö. Öсип кор мунiс шойысла, сэтчö локтiс тшöтш Никодим, кодi коркö войнас волiс Исус дiнö. Найö босьтiсны Исуслысь шойсö да гартыштiсны дзебан дöраö. Матын вöлi сад йöр, сэнi изкыртаö вöлi кералöма выль дзебанiн. Сэтчö Öсип да Никодим и пуктiсны Исуслысь шойсö, а пыранiнас путкыльтiсны ыджыд из.
Мöд луннас аркирейяс фарисейяскöд локтiсны Пилат дiнö да шуисны: «Ыджыдöй, миянлы тöд выланым усис: ловъя дырйиыс на эсiйö пöръясьысьыс шулiс, куим лун мысти пö ловзя. Тшöкты видзны дзебанiнсö коймöд лунöдзыс. Велöдчысьясыс вермасны локны войнас да гусявны шойсö, сэсся шуны йöзыслы, Сiйö пö ловзьöма. Тайö бöръя пöръялöмыс лоас воддзасьыс на лёкджык». Пилат шуис: «Босьтöй видзысьясöс да видзöй, колöкö». Найö мунiсны, пасйисны пыранiнысь изсö печатьöн да тшöктiсны шыпуртаяслы видзны.
Иоан 19:31-42, Матвей 27:60-66
426 
