Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
МУСА-Ö МЕ ТЭНЫД?
Сэсся Исус петкöдчис велöдчысьясыслы Тиверия ты дорын. Петыр, Фома, Нафанаил, Зеведейлöн пияныс да нöшта кык велöдчысь вöлiны öтлаынöсь. Петыр шуис: «Ме муна чери кыйны». Сылы шуисны: «Ми тшöтш тэкöд мунам». Дзик пыр найö пуксисны пыжö да петiсны ва вылö. Сiйö войнас налы нинöм эз шед.
Водз асывнас, кор велöдчысьяс вöлi бöр кывтöны чери кыянiнсянь, Исус сулалiс вадорас. Велöдчысьясыс эз тöдны Сiйöс. Исус юалiс налысь: «Ёртъясöй, шедiс-ö тiянлы чериныд?» Найö шуисны: «Эз». Исус шуис: «Чöвтöй тывнытö пыж веськыдладорас, сэки шедас». Найö чöвтiсны. Чериыс шедiс сэтшöм уна, весиг васьыс тывсö эз вермыны кыскыны. Сэки Иоан шуис Петырлы: «Тайö Господь». Петыр дзик пыр чеччыштiс ваас. Мукöд велöдчысьыс локтiсны пыжнас да кыскисны чери тыра тывсö.
Исус корис велöдчысьяссö сёйны. Найö аддзисны öгыръяс вылысь чери, орччöн вöлi нянь. Сёйöм бöраныс Исус шуис Петырлы: «Симон, Ионалöн пи, мусаджык-ö Ме тэныд налы дорысь?» Петыр шуис: «Мусаджык, Господьöй! Тэ тöдан, мый Тэ меным муса». Исус шуис сылы: «Йирсьöд Менсьым баляясöс». Сэсся мöдысь юалiс Петырлысь: «Симон, Ионалöн пи, муса-ö Ме тэныд?» Петыр шуис Сылы: «Муса, Господьöй. Тэ тöдан, мый Тэ меным муса». Исус шуис сылы: «Видз Менсьым ыжъясöс». Сэсся коймöдысь юалiс: «Симон, Ионалöн пи, муса-ö Ме тэныд?» Петыр шогö усис, мый Исус коймöдысь нин юалö сылысь: «Муса-ö Ме тэныд?» Сiйö вочавидзис: «Господьöй, Тэ ставсö тöдан. Тэ тöдан, мый Тэ меным муса». Исус шуис сылы: «Йирсьöд Менсьым ыжъясöс».
«Йирсьöд Менсьым баляясöс» и «Видз Менсьым ыжъясöс» кывъясöн Исус тшöктiс Петырлы да тшöтш мукöд велöдчысьяслы тöждысьны эскысьяс вöсна.
Иоан 21:1-17
436 
