Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИСУС – ТУЙЫС, ЗБЫЛЬЫС ДА ОЛÖМЫС
Комын арöсöн Исус пондiс велöдны да бурдöдавны йöзöс. Куим во чöж Сiйö тадзи кесъялiс йöзлы. Исус Кристослöн кывъясыс и талун вынаöсь. Сiйö шулiс:
Ме – туйыс, збыльыс да олöмыс. Бать дiнö позьö локны сöмын Ме пыр, мöд туйыс абу. (Иоан 14:6)
Ме – Ловзьöдысьыс да Олöмыс. Меным эскысь весиг кулöм бöрас кутас овны. (Иоан 11:25)
Ме олöмыслöн нянь. Ме дiнö локтысь некор оз кут тшыгъявны, Меным эскысьлöн горшыс некор оз кут косьмыны. (Иоан 6:35)
Морт Пи локтiс корсьны да мездыны вошöмаöс. (Лука 19:10)
Энö шуалöй: ”Мый сёйны-юны да мый пасьтавны?” Тайö ставыс майшöдлö ентöдтöмъясöс. Но енэжвыв Батьныд тöдö, мый ставыс тайö колö тiянлы. Медводз корсьöй Енлысь Юралöмсö да Сылысь веськыдлунсö, сэки тiян ставыс тайö лоö. (Матвей 6:31-33)
Лöньлун коля тiянлы. Ассьым лöньлунöс сета тiянлы, сiйö абу муюгыдыслöн лöньлун кодь. Энö майшасьöй да энö полöй. (Иоан 14:27)
Кодi эскö Пиыслы, сылöн эм помтöм олöм. Кодi оз эскы Пиыслы, сылöн оз ло олöмыс, но Енлöн скöрлуныс лоас сы вылын. (Иоан 3:36)
Кодi кöсйö мунны Ме бöрся, мед вунöдас асьсö, босьтас ассьыс крестсö да локтас Ме бöрся. (Лука 9:23)
Лоас-ö мортыслы бур, босьтас кö аслыс став муюгыдсö, а асьсö бырöдас да олöмсö воштас? (Лука 9:25)
Кодi оз яндысь Меысь йöз водзын, сыысь Ме ог яндысь Аслам енэжвыв Бать водзын. Кодi соссяс Меысь йöз водзын, сыысь Ме сосся Аслам енэжвыв Бать водзын. (Матвей 10:32-33)
Енэжыс да муыс бырас, а Менам кывъясöй оз бырны. (Лука 21:33)
440 
