Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ВЕЖА ЛОЛÖН ТЫРÖМ
Исуслöн енэжö кыпöдчöм бöрын велöдчысьяс тшöкыда чукöртчывлiсны öтлаö. Найö ставныс öти сьöлöмöн дугдывтöг кевмысисны.
Воис Ветымынöд лун*а. Тайö гажöдчан кадыс вöлi йитчöма нянь вундöмкöд, сiйöс пасйылiсны Ыджыд лун бöрын ветымынöд луннас. Тайö кад кежлас Ерусалимö волывлiсны юдейяс став му пасьталаысь.
Тайö луннас Исуслöн велöдчысьяс вöлiны öтлаынöсь. Виччысьтöг енэжсянь кылiс ыджыд тöвнырлöн кодь шы. Шыыс тыртiс ставнас керкасö, кöнi найö пукалiсны. Найö аддзисны ыпъялысь би кывъяс. Тайö би кывъясыс торъялiсны да лэччисны быдöн вылö. Сэки ставныс найö тырисны Вежа Лолöн да пондiсны сёрнитны мукöд кывъяс вылын, кыдзи Лов сетiс налы висьтавнысö.
Тайö шыыс вылö чукöртчис уна йöз. Ставныс шензьöмöн шензисны да ас костаныс шуалiсны: «Абу-ö сёрнитысьясыс ставныс Галилеяысьöсь? Быдöн тай нö ми асланым кыв вылын Енлöн ыджыд уджъяс йылысь кылам». Ставныс шензисны да шöйöвошöмöн öтамöдныслысь юасисны: «Мый нö тайö?»
Апостолъяслöн уджъяс 1:12-14, 2:1-12
*а Ветымынöд лун – Пятидесятница
444 
