Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЯКОВ БОСЬТÖ БАТЬСЯНЬЫС БУРСИÖМ
Исаак пöрысьмис да кутiс омöля аддзыны. Кувтöдзыс сiйö кöсйис бурсины ассьыс медводдза писö. Батьыс чукöстiс Исавöс ас дiнас да корис дасьтыны пöтка яйысь ассьыс радейтана сёянсö. Сiйö шуис, мый сёяс да, бурсиас сiйöс.
Ревекка кывлiс, мый Исаак шуис Исавлы. Сэсся чукöстiс Яковöс да висьталiс сылы ставсö. Ревекка зэв ёна кöсйис, медым Исаак бурсиис Яков писö. Сэки Ревекка шуис пöръявны Исаакöс. Кор Исав мунiс кыйсьыны, мамыс тшöктiс Яковлы вайны кык кöзапиöс, медым дасьтыны наысь Исаак батьыслы радейтана сёянсö. Ревекка босьтiс Исавлысь паськöмсö да пасьтöдiс Яковöс. Но Исавлöн кикокыс вöлi зэв гöна. Ревекка полiс, мый омöля аддзысь батьыс вермас малыштны писö, та вöсна сiйö гартыштiс Яковлысь кияссö да сьылiсö кöзапи куöн.
Яков босьтiс дасьтöм сёянсö, пырис батьыс дiнö да вöзйис сылы сёйны. Батьыс шуис сылы: «Матыстчыв, пиöй, ме малышта тэнö, гашкö, тэ абу Исав». Яков матыстчис батьыс дiнö. Исаак малалiс сiйöс да шуис: «Гöлöс шыыс Яковлöн, а киыс Исавлöн». Исаак эз тöд Яковöс, öд кöзапи куöн гартыштöм киясыс Яковлöн вöлiны вокыслöн кодьöсь. Сёйöм бöрас Исаак бурсиис Яковöс.
Тадзи пöръялöмöн Яков босьтiс Исавлы дасьтöм бурсиöмсö. Таысь Исав пондiс мустöмтны ассьыс воксö да шуис вины сiйöс.
Олöм 27:1-41
50 
