Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИСУС ТШÖКТÖ ВЕЛÖДНЫ БЫД КЫЛА ВОЙТЫРÖС
Енэжö кыпöдчöм водзвылас, велöдчысьясыскöд торйöдчигöн, Исус Кристос шуис: «Меным сетöма ыджыдавны енэжын да му вылын. Мунöй быд кыла войтыр дiнö, вöчöй найöс Менам велöдчысьясöн да пыртöй найöс Бать, Пи да Вежа Лов нимöн. Велöдöй найöс овны став Менам тшöктöм серти. Тöдöй: Ме пыр тiянкöд нэмъяс помасьтöдз».
Выль Кöсйысьöм небöгын унаысь висьталöма, мый Енмыс радейтö став йöзсö да кöсйö, медым быдöн бергöдчис мыжъяссьыс да тöдмалiс збыльсö. ”Иоанлы восьтöм” небöгын Исус Кристос йылысь гижöма тадзи:
– Вирыд вылö Тэ ньöбин миянöс Енмыслы
быд чужанвужйысь да чужанкотырысь,
быд кыла йöз пытшкысь да войтырысь.
Нöшта Иоан гижö: «Сэсся ме видзöдлi да аддзи: Енлöн юралан пуклöс водзын да Баля водзын сулалiс лыдтöм-тшöттöм йöз чукöр. Найö вöлiны быд чужанвужйысь да чужанкотырысь, быд кыла йöз пытшкысь да войтырысь. Найö вöлiны еджыд паськöмаöсь, а кианыс кутiсны пальма росъяс.
Сэсся ме аддзи нöшта öти анделöс, кодi лэбис енэж шöрöдыс. Сылöн вöлi помасьлытöм Евангелльö, медым висьтавлыны сiйöс мувывса олысьяслы: быд чужанвужлы да чужанкотырлы, быд кыла йöзлы да войтырлы».
Римö мöдöдöм гижöдысь лыддям: «Öд быдöн, кодi шыасяс Господь нимö, мездмас».
Матвей 28:18-20, Восьтöм 5:9, 7:9, 14:6, Римö мöдöдöм гижöд 10:13
516 
