Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИЗРАИЛЬ ВОЙТЫР ЕГИПЕТЫН
Кор Яков вермасис Енкöд, Енмыс бурсиис сiйöс да сетiс сылы выль ним – Израиль, мый лоö ”Енкöд вермасьысь” либö ”Ен вермасьö”. Та вöсна Яковсянь чужысьяс öнöдз шусьöны Израиль войтырöн.
Яковлöн Египетö локтöмсянь да сылöн кулöмсянь коли уна-уна во. Сылöн став пияныс тшöтш нин вöлi кулöмаöсь. Египетын кутiс ыджыдавны мöд фараон, кодi эз тöд сюсь вежöра Öсипöс да сылысь бур вöчöмторъяссö. Тайö фараоныс аддзис, мый Израиль войтырлöн лыдыс ёна содö да найö лоисны Египет войтырысь вынаджыкöсь. Та вöсна фараон шуис аслас йöзлы: «Миянлы колö мыйкö вöчны, медым найö эз рöдмыны. Пансяс кö тыш, найö öтувтчасны паныд мунысьяскöд да сувтасны миянлы паныд».
Фараон индiс юралысьясöс да тшöктiс нартитны Израиль войтырöс сьöкыд уджъясöн. Но кымын ёна Израиль войтырöс топöдiсны, сымын ёнджыка найö рöдмисны да содiсны. Та вöсна египетса йöз полiсны наысь и нöшта на ёнджыка кутiсны уджöдны найöс, зiлисны вöчны налысь олöмсö вывтi сьöкыдöн.
Но Ен аддзис Сы вылö лачаöн*а олысь войтырлысь сьöкыдалöмсö и мöдöдiс налы дорйысьöс.
Мöисейлöн мöд небöг, Петöм 1:6-14
*а лача – надежда
80 
