Выбрать язык
Выбрать рассказ Ветхого Завета
Выбрать рассказ Нового Завета
«Иисус курыкыш кӱзен да тушто тунемшыж-влак дене шинчен. Иудей-влакын Кугече пайремышт*а лишемын.
Иисус ончалын, тӱшкан толшо калыкым ужын да Филипплан ойлен: ”Нуным пукшаш кушто киндым налаш?” Мом ыштышашым Тудо пален, йодышым тунемшыжым тергаш веле пуэн. Филипп Тудлан вашештен: ”Нунылан кажныжлан кеч изиш логалже манын, кок шӱдӧ динарияш*б киндат ок сите”.
Тунемшыж-влак кокла гыч иктыже, Симон-Петрын Андрей шольыжо, Иисуслан ойлен: ”Тыште ик рвезын вич шож киндыже да кок изи колжо уло, но тынар калыклан тидыже мо?” Иисус каласен: ”Еҥ-влаклан шинчаш кӱштыза”. Тудо верыште чока шудо кушкын. Мланде ӱмбаке вич тӱжем нарепӧръеҥ шинчын.
Тунам Иисус киндым налын, Юмылан тауштен, тунемше-влаклан шеледен пуэн, а нунышт – шинчыше-влаклан. Кол денат тыгак ыштен. Чылан шонымо наре налыныт. Кунам еҥ-влак кочкын темыныт, Иисус тунемшыж-влаклан каласен: ”Кодшо катыш-влакшым погыза, нимо ынже йом”. Нуно погеныт да вич сукыр шож киндым кочшо-влак деч кодшо катыш дене латкок комдым теменыт.»
*а Кугече пайрем – Иисус илыме жаплаште тиде пайрем дене Израиль калыкын Египет гыч лекмыжым пайремленыт.
*б Динарий – окса, ик кечаш пашадар наре.
92 