Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
АННАНЬ ОЗОНДОМАЦ
Израилень ломаттнень ёткса, Рам ошкаса эрясь аля, лемоцоль Елкана. Рьванцты мярьгольхть Анна. Сонь ашельхть шабанза, и тя пяк пичефтезе авать. Эрь кизоня синь якасть Силому Азорти сюконяма и озказнень максома. Силомса ульсь Азорти аф оцю шкайкуд. Шкайкудса Елкана макссесь Шкайти озказненди уча. Мзярда сивольда мярьгондевсь ярхцамс, сон макссесь пакш Аннандивок. Аньцек Анна фалу аварькшнесь, афи ярхцась. Елкана кельгозе рьванц, тейнза сон пяк ужялель.
Весть, мзярда синь састь шкайкуду, и Анна тага авардсь, Елкана мярьгсь тейнза: «Анна, мес авардят? Мес аф ярхцат? Мезенкса ризнай седице? Кали мон тейть кемонь цёрада аф сяда цебярян?»
Сяльде Анна шкайкудса озондсь Азорти и седиге авардсь. Сон макссь Шкайти вал, корхтась: "Саваоф Азор! няендярясак урецень ризфонц, лятфтандярясамак, аф юкстандярясамак, максондярят тейне цёраня, эста мон максса сонь Азорти эряфонц сембе пингс, васоньбеельхне аф токайхть прязонза".
Сон куватьс озондсь Шкайти. Сембе тя пингть Илий озксвятись ванць кургозонза. Илий няезе, кода мштердсть авать трванза, а вайгялец ашезь кулев, сяс лувозе сонь ирецтокс. Илий мярьгсь тейнза: "Мзярс тон улят ирецта? Архт, янгафтк иретьфцень". Анна мярьгсь каршезонза: "Аф, азорозе; ашень симе аф винада, аф лия мезьда. Мон – рьван, конань ваймонц сиви пичефкссь, и тяфта панчсеса потмозень Азорть инголе. Тямак лува кольф авакс; оцю ризфта и пичефкста корхтань тянемс". Илий пшкядсь каршезонза: "Архт озадонь седихть, Израилень Шкайсь пяшкодьсы эняльдемацень, макссы сянь, мезе анать кядьстонза". Авась мярьгсь: "Сюкпря тейть пара валцень инкса!" Сон тусь меки кис, и ярхцась, шамаликоцка сяда валдомсь ингольцеть коряс.
Азорсь кулезе Аннань озондоманц, авась шачфтсь цёра.
ОЦЯЗОРХТ 1-ЦЕ КНИГАСЬ 1:1-18
148 
