Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
САУЛ – ИЗРАИЛЕНЬ ОЦЯЗОР
Самуил арась Шкаень ломаньтналть ёткса инь оцю шкаймаряйкс. Сон фалу тернезе эсь ломаньтналонц кадомс эсь тиф шкайхнень и шарфтомс эрек Шкайти. Мзярда Самуил сиредсь, сон путозень цёранзон Израильса судьякс. Аньцек синь ашесть ту аляснон киге, усксть эстейст: сявондсть казнет, аф видешис коре судендасть ломатть.
Эста Израилень пряатятне састь Самуилонди, мярьгсть тейнза: "Няк, тонць сиредеть, а цёратне кигат ашесть ту. Сяс путт тейнек вятикс оцязор, кода лия ломаньтналхнень". Самуил содазе, синь эняльдемасна аф туй Азорть мяльс, и сон озондсь тейнза. Азорсь мярьгсь тейнза: "Кулхцонтк ломаньтналть вайгяленц сембоса, мезе тейть корхтайхть; вдь синь аф тонь аерфтодязь, монь аерфтомазь – афолень оцязоронда синь лангсост. Ина кулхцондыть вайгяльснон; аньцек тейст содамга азонтк, мезе вийсонза оцязорть, кона кармай лангсост оцязорондама".
Самуил пачфтезень Шкаень валхнень ломаньтналти: "Кочкандярятада оцязор, сон тихтядязь урекс, аварьготтада эздонза, аньцек эста ни Азорсь аф кармай кулхцондомонт." Но ломаньтналсь ашезе сяве мяльс Самуилонь азфонц и стаки анась эстейнза оцязор.
Азорсь кучсь Самуилонди виде ронга и вии цёра, лемоц Саул. Мзярда Самуил васьфтезе сонь, Азорсь мярьгсь тейнза: "Вов ся ломанць, конань колга корхтань тейть исяк. Сон кармай вятемонза ломаньтналозень". Самуил сявсь вай мархта кядьгоня и каязе Саулонь пряванза. Сяльде палазе, мярьгсь: "Няк, Азорсь ваттянза тонь эсь ломаньтналонцты вятикс". Тяда меле Саул арась Израильса оцязоркс.
ОЦЯЗОРХТ 1-ЦЕСЬ 8:1-22; 9:17; 10:1
156 
