Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ДАВИДОНЬ ПСАЛМАНЗА
Давид нинге ракшань ваныкс улемстонза пяк кельгозе арфанц коряс моронь морсеманц, конань латцезень сонць. Оцязоркс арамстонзовок стаки латцесь морот. Синь морсезь морайхне и ломаньтналське Азорть лемонц вярьгак кандоманкса.
Библияв сувасть Давидонь ламоц моронза, лиякс – псалманза. Давид кельгозе Шкайть и шнакшнезе сонь лемонц мороса. Давид пяк лац содазе, конашкава эряви учатненди ляпе вайме ваны, сяс мес одстокиге сонць якась учатнень мельге. Сяс псалманзон ёткста фкаса сон морай Азорть колга:
«Азорсь – Ваныезе,
монь мезьсонга аф ули ашезе:
сон ваймафнесамань козя ванома вастса
и вятнесамань сетьме ведь малас,
кемокснесы ваймозень,
латцесамань видешинь кити
эсь лемонц инкса.
Молендярян куломань цильфонь лаймова,
аф пелезеван зиянда,
сяс мес тон мархтонат;
тонь цётмарце и мандоце –
ванфтсамазь монь.
Тон аноклать тейне каванямань моркш
душманонень сельминголе.
Тон вадить прязень танцти шине вайса;
кечезе пряда вельф пяшксе.
Тонь парошице и кельгомаце
улихть мархтон эряфоньберьф,
и мон карман эряма Шкаень кудса пефтома пинге».
22 ПСАЛМАСЬ
170 
