Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ШКАЙКУД
Шкайсь мярьгсь Давидонди: Соломон цёраце путы шкайкуд. Марявоза тоса Шкайть улемац и иневалдоц.
Соломон пяшкодезе Шкайть кошардоманц и путсь тейнза мазыдонга мазы шкайкуд. Потмоста стенатне вельхтяфтольхть зрняса, толгядьгонь валдса сембось пиндолдсь-вандолдсь. Шкайкудть перьф Соломон тись кевонь перяфксста пирьф. Пирьфса ащесть серень кемонь оцю кядьгот, конатнень эса штакшневсть озказненди максови ракшатне. Тоса ульсь нинге фкя кядьге, кона лиятнень коряс сяда оцюволь и ащесь сереста тиф кемгафтува бука лангса. Сон тифоль озксвятихненди штаманди. Пирьфсоль озказненди серень оцю алтарське.
Шкайкудть потмоса ульсь васта, лемневсь давир – Иняруфнень инярусна, кона вельхтяфоль ару зрняса и аноклафоль сотксонь арзяти путома вастокс. Иняруфнень иняруснон инголе ащесь зрнянь алтарсь, лангсонза качакафнесть ладан. Давирса ащесть ваймеж (маслина) шуфтста тиф и зрняса валф кафта оцю ангелхтхерувипт. Синь пацясна келептфтольхть, эздост фкять пацяц токсесь шкайкудть фкя стенас, омбоцеть пацяц – омбоцес, лия пацясна токсесть марс шкайкудть кучкаса.
Шкайкудть сембе стенава керсезь тифтольхть херувипт, пальмань шуфтт и панжи панчфт. Шкайкудть кияксоцка вельхтяфользрняса.
ОЦЯЗОРХТ 3-ЦЕСЬ 6:14-36
178 
