Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИЗРАИЛЬСЬ ПОТАЙ ШКАЙТЬ ЭЗДА
Ассириянь оцязорсь сявозе Израильть и тостонь лама ломань ётафтсь эряма Ассирияв. Тяфта лиссь сяс, мес израиленнетне пежетьс сувафтозь ваймоснон Шкайть инголе. Хуш Азорсь лихтезень египетонь модаста, синь кармасть лиянь шкайхнень лувомост синценнекс. Синь тиендсть сери губорхт сембе ошеваст. Стяфнесть эсь тиф шкайхть, Астартань ликонц ульсь эрь губор пряса, эрь паргана шуфтть ала. Сембе ня губор прява плхнесть шкайснонды озказнет ся ломаньтналхнень лаца, конатнень Азорсь панезень эздост. И ня кальдяв тевснон мархта кяжияфнезь Шкайть.
Азорсь сембе шкаймаряензон вельде анокс карнезень Израильть и Иудать, корхнесь: "Кадость кяжи кинтень, пяшкотькшнесть кошардомвалнень и ладяфксонень, конатнень кадыне алянтенди". Аньцек синь ашесть кулхцонда аляснон лаца, кит ашесть кема Азорти, Шкайснонды. Мезькска ашезь лува ладяфксонзон, сотксонц, конань Шкайсь тиенкшнезе аляснон мархта. Синь прафтсть пульхкомати и юмсесть пульхкома потмос. Тусть перьфкаст эряй ломаньтналхнень мельге, хуш Азорсь корхнесь – афольхть тиенде синь лацост. Синь кадозь Азорть сембе кошардомвалонзон, валсть зрняста кафта од букат и сюконякшнесть менелень сембе вийхненди. Тяка лангс ётафнезь эсь стирьснон и цёраснон толонь туркс, сотцесть, колдавасть.
Пяк кяжиясь Азорсь израилень ломаттнень лангс. Сон аерфтазень синь сельмингольденза, Иудань юромда башка.
ОЦЯЗОРХТ 4-ЦЕСЬ 17:7-18
210 
