Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ДАНИИЛ ОЗОНДЫ
Дарий оцязорське, кона озась оцязоркс Валтасарда меле, ульсь прянь няи ломанькс и сюконякшнесь шопачанди. Аньцек сондейнза пяк кельговсь Даниил смузьшинкса, козя ваймонкса.
Дарий путсь эсь масторонц лангс сяда комсь сатрап, конат вятезь тевть марнек масторса, а сятнень лангс путсь оцюнякс колма оцю ширяст, ётксост фкясель – Даниил. Сатрапне пачфнесть латта тефнень молемаснон колга ширясненди, ашезь стакалгофне тевса оцязорть.
Даниил ульсь инь цебярькс сембе ширяснень и сатрапнень ёткста, ётнезень синь ёньц коре, сяс оцязорсь арьсекшнесь путомс сонь оцюнякс марнек масторть лангса. Эста ширясне и сатрапне кармасть вешендема туфталхт, конатне няфтелезь Даниилонь тевти аф кондястеманц. Аньцек кодамовок туфтал сонь муворгофтомс ашесть мушенда.
Меколи оцязоронь ломаттне ёжуста арьсезь, кода равчкофтомс Даниилонь оцязорть инголе. Синь содазь, Даниил сидеста озонкшни эсь Шкаенцты. Сяс синь эняльдсть оцязорти тиемс кой, конаса афоль мярьгондев колмогемонь шинь кувалмос мезевок анамс кодамовок шкаень али ломанень кядьста, Дарий оцязорда башка. Коландярясы кивок тя койть, ся ёрдави лефонь лоткс. Оцязорсь ашезе сода тя эняльдемать афкуксонь туфталонц и тись тяфтама кой.
Даниил од койть колга кулемда меле тусь кудозонза. Куцсь вярдень кудбяльксти, конань вальманза ванцть Ерусалимть шири, и арась плманжа лангс Шкайти озондома, кода тиендсь фалу. Ломаттне, кит афолезь кельге Даниилонь, ванцть мельганза и сатозь Шкайть инголе озондомста. Эста синь срхкасть эстокиге пачфтемс тянь квалма оцязорти.
ДАНИИЛ 6:1-11
236 
