Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ФАРИСЕЙТЬ И КАЯФКСОНЬ КОЧКАЙТЬ КОЛГА ВАЛВЕЛЯФКС
Сидеста эсь колганк арьсетяма, конашкава минь ару ваймотама, эрятама видешиса и прокс пежетьфтома. Аньцек Азорсь тонафтсамазь прянь аф няема, Шкайть инголе сятяв ломанькс улема. Тя валвеляфксть Исус азондозе сятненди, кит арьсесть, синь эряйхть видешиса, а лиятнень мезькска изь лува.
«Кафта ломатть сувасть шкайкуду озондома: фкясь фарисей, омбоцесь каяфксонь кочкай. Фарисейсь арась и эсь пачканза озондсь тяфта: "Шкабаваз! Сюконян тейть, мес мон аф стаман, кодамот лиятне: салайхне, нельгихне, усксевихне, али кодама ва тя каяфксонь кочкайсь. Мон постован недяляти кафксть, макссеса кемонце пяльксть сембостон, мезезе ули".
Каяфксонь кочкайсь ащесь ширеняса, нльне сельмонзонга виздсь кеподемс менели; аньцек мяштень эрьхнезь корхтась: "Шкабаваз! Ужяльдемак монь, пежетьс вайсить!"
Азондса тейнть, каяфксонь кочкайсь тусь кудозонза сяда видекс Шкайть инголе фарисейть коряс: эрьсь, кона путнесы прянц вяри, валхтови алу, а ся, кона алу путнесы прянц – кеподеви». Панда лангонь корхтамасонза Исус тонафтозень ломаттнень и тонафниензон:
«Тяда суденда, тинценьге аф судендатядязь; сяс мес кодама судса судендатада, тяфтамса ульхтяда судендафт; кодама ункстамаса ункстатада, тяфтамса тейнтьке ункстайхть».
ЛУКА 18:10-14; МАТВ. 7:1-2
380 
