Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ХРИСТОСЛЭН ВОРДСКЕМЕЗ СЯРЫСЬ КЫЛЧИНЪЁС ЫЖ ВОЗЬМАСЬЁСЛЫ ИВОРТО
Со вакытэ Вифлеем котырын трос пудо возьман интыос вал. Иисус вордскон уе пудо уллёзэс возьмасьёс пӧлысь куд-огъёсыз уг изё вал. Шӧдтэк шорысь соослы Кузё-Инмарлэн кылчинэз возьматскиз но, Кузё-Инмарлэн пиштӥсь данлыкез соосты югдытӥз. Соос верантэм кышкатскизы. Нош кылчин соослы шуиз: «Эн курдалэ; мон тӥледлы быдӟым шумпотон ивортӥсько, со вань адямиос понна луоз: тӥ понна туннэ Давидлэн городаз Утись вордӥськиз, Со – Христос Кузё-Инмар. Тани тӥледлы тодмет: турын тыронысь кутэтэн бинялтэм Нуныез тӥ шедьтоды». Инмарез данъяса, кылчинэн валче лыдъянтэм трос ин кужымъёс шуак вуыса вазиськизы: «Дан вылысь Инмарлы, музъем вылын каньыллык, адямиослы ӟеч эрик».
Кызьы адӟиськоды, Инмар дуннеез Утисьлы, Иисус Христослы, вордскыны эксэй юртэз-четлыкез ӧз бырйы, из гурезьысь гуэз бырйиз. Солэн вордскемез сярысь но узыр муртъёслы ӧз иворты, куанер муртъёслы ивортӥз; нырысь ик соос дуннеез Утисьлы йыбырттыны лыктӥзы.
Лукалэсь Ӟеч Ивор 2:9-14
294 
