Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 15
Мазыйдеяк мазый уцяска
Давидэнь морозо.
1Пазом, ванстомак монь!
Тонь лангс мон кеман-нежедян.
2Мон меринь Азоронтень:
«Тон монь Азором!
Монь парочись Тонь эйсэ».
3Кода пек явовтыть мелем масторлангсо Тонь иневанькстнэ,
Тонь кочкавттнэ!
4Сетне вана, кить капшить лия пазнэнь,
ламолгавтыть ризксэст.
Мон а карман мартост валномо ракшань веренть сынст авиде пазтнэнень,
ды неть пазтнэнь леместкак а лисить кургостон.
5Азорось – монь уцяскам ды монь кечень пештицям!
Тонь кедьсэ монь эрямом.
6Тон явить монень ума*а мазыйдеяк мазый модалангсто.
Кода пек сон педясь седейзэнь!
7Шнан Азоронть, конась путы монь превс.
Мезе оймесэнь-седейсэнь, се ветькак совавты эйсэнь превс.
8Мон свал неса Азоронть эсень икеле.
Сон монь вить кедь ёно,
мон а чатазеван.
9Седеем эрьгели, келем кенярды,
рунгомгак оймси апак пеле.
10Тон а кадсак монь оймем тоначис,
а макссак Эсеть кемевикс важонть понгомс куломанть кедьс.
11Тон невтьсак монень эрямонь кинть.
Ламодояк ламо кеняркс Тонь чачот икеле,
Тонь вить кедьсэть пингеде пингень уцяска.
*а 15:6 ума – явозь мода; надел
Глава 15
