Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержаниеКнига РуфьПсалтирьПритчиЕкклесиастПесни ПеснейИона

Книги Нового Завета Выбрать книгупро «Од Вейсэньлув»содержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

ПСАЛТИРЬ

ОЗНОМАМОРОТ

Глава 23

Азорось – инексчинь Инязор

Недлячинь туртов Давидэнь псалмась.

1Азоронть модась ды весемесь, мезесь сонзэ пешти,
   мирэсь-масторось ды весе сонзэ эрицянзо.
2Сон путызе масторонь юронть иневедтнень ланга
   ды кемекстызе сонзэ лейтнень ланга.

3Кинень мереви куземс Азоронть пандонзо лангс,
   кинень мереви стямс Сонзэ иневанькс таркантень?
4Сенень, кинь кедензэ чумовтомот ды кинь ванькс седеезэ,
   кие стяко эзь божа-пежедькста*а оймесэнзэ
   ды кинь пежедькстамосо арасель манчема [эсь малавиксэнстэнь].
5Сенень максови чанстямо Азоронть пельде
   ды седеймарямо Пазонть, Идицянзо, пельде△.
6Истят те буенть ломанензэ, конатне вешнить Сонзэ,
   вешнить Тонь чачот, Иаковонь Паз!

7Келейстэ панжоводо, ортат!
   Тееведе сэрейкс, пингеде пингень кенкшт!
   Совавозо эзгаст инексчинь Инязорось!
8Кие Сон, те инексчинь Инязорось?
   Те Азорось, кона кеме ды виев.
   Азорось, кона виев тюремасо.

9Келейстэ панжоводо, ортат!
   Тееведе сэрейкс, пингеде пингень кенкшт!
   Совавозо эзгаст инексчинь Инязорось!
10Кие Сон, те инексчинь Инязорось?
   Те менелень вийтнень Азорось,
   Сон инексчинь Инязорось.

Шнамо

*а 23:4 пежедькстамс – клясться (совамс пежетьс – согрешить)

 Глава 23