Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 28
Азоронть вайгелезэ гайги виевстэ
Давидэнь псалмась. Тарадонь латонь покшчинть*a прядовомсто.
1Пазонь цёрат, шнадо Азоронть!
Шнадо Азоронть инексчинзэ ды виензэ!
2Шнадо Азоронть лемензэ инексчинть!
Сюконядо Тензэ иневанькс эрямо тарканзо мазычисэ!
3Азоронть вайгелезэ гайги ведтнень лангсо.
Инексчинь Пазось зэрькстась,
Азорось покш ведтнень лангсо.
4Азоронть вайгелезэ виев,
Азоронть вайгелезэ вельть ине.
5Азоронть вайгелезэ правты-синдтри кедрат,
Азорось правты-синдтри Ливанонь кедрат.
6Сон кармавтсынзе Ливан пандотнень ваз ладсо кирнявтнеме,
Сирион пандонть – од идем бука ладсо.
7Азоронть вайгелезэ верьгеди толкельть.
8Азоронть вайгелезэ сорновтни чаво моданть*б,
Азорось сорновтни Кадес чаво моданть.
9Азоронть вайгелензэ коряс сёкантне вазыить
ды виртне штадыть,
ды Сонзэ озкудосонзо весемесь корты-сеери:
«Шнамо Сонензэ!».
10Азорось аштесь озадо инеэземензэ лангсо инечадынть велькссэ,
ды Сон карми аштеме инязорокс инеэземензэ лангсо пингеде пингес.
11Азорось максы вий Эсь раськензэ туртов,
Сон чансти-баслави Эсь раськензэ сэтьмелувсо.
*а 28 тарадонь латонь покшчи – праздник кущей, вант: 3.Моис.(Левит) 23:34-43
*б 28:8 чаво мода – пустыня
Глава 28
