Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 29
Азоронть парочись певтеме
1Давидэнь псалмась. Моро, кона алтазь Пазонь озкудонть иневаньксэкс теемантень.
2Азоро, шнан Тонь,
эдь Тон таргимик монь зыянсто
ды эзимик максо нарьгамс душмантнэнень.
3Азоро, монь Пазом!
Мон пшкадинь Тонеть лезксэнь кисэ,
ды Тон шумбралгавтымик монь.
4Азоро! Тон ливтик монь оймем тоначистэ
ды вельмевтимик,
илязан пра мон калмос.
5Морадо Азоронтень, Сонзэ кемевикс важонзо,
шнадо Сонзэ иневанькс лемензэ.
6Вейке липкес*а Сонзэ кежезэ
ды эрямонь перть Сонзэ паро мелезэ.
Чокшне авардят, валске уш кенярдат.
7Эрямонь паро шкатнестэ мон кортынь:
«А чатазеван пингеде пингес».
8Азоро, паро мелеть коряс
Тон кемекстымик монь кевень пандокс.
Ансяк зярдо Тон кекшик Эсь чачот,
мон сеске талакадынь.
9Азоро, сестэ мон Тонь эйсэ тердинь
ды Тонеть, [монь] Азоронтень, энялдынь-ознынь:
10«Кодамо лезэ монь куломанть эйстэ,
зярдо мон сован калмос?
Арази уловось карми шнамот?
Арази карми пачтямо Тонь видечинть?
11Азоро, марямак ды ульть монень седеймарицякс.
Азоро, лездак монень».
12Тон велявтык монь лайшеманть покш кенярксокс,
каявтык лангстон мелявксонь оршамопеленть
ды карксымик монь кецямосо.
13Кадык оймем шны Тонь апак лотксе.
Азоро, монь Пазом! Карман шнамот пингеде пингес.
Шнамо
*а 29:6 липке – миг, мгновение
Глава 29
