Выбрать язык
Книги Ветхого Завета
Книги Нового Завета
с русским текстомДавидэнь псалмась.
1Кенярдодо, видечисэтне, Азоронть кувалт.
Видетненень пек лади шнамс Сонзэ.
2Шнадо Азоронть арфасо,
морадо Тензэ кемень струна марто лирасо.
3Морадо Тензэ од моро,
морадо Тензэ мазыйстэ, верьга вайгельть.
4Эдь Азоронть валозо виде
ды Эсь кемевиксчинзэ Сон невти весе тевсэнзэ.
5Сон вечксы видечинть ды виде судонть,
модась пештязь Азоронть седеймарямосо.
6Азоронть валонзо вельде теезь менельтне,
Сонзэ оймекоштонть вельде теезь весе сынст тештетне.
7Сон пурнынзе губорьксэкс иневедень ведтнень,
пекстынзе ванстома таркас домка отьматнень.
8Кадык пели Азордонть весе модась,
кадык сорныть икелензэ весе масторлангонь эрицятне.
9Эдь мезе Сон мерсь, се теевсь,
мезе Сон кармавтсь, се кармась улемеяк.
10Азорось калавты лия раськетнень арсемаст,
колы-ёмавты раськетнень бажамост,
[колы-ёмавты чирязтнэнь арсемаст].
11Азоронть арсематне аштить пингеде пингес,
Сонзэ седейёжонь мельтне-бажамотне – буестэ буес*а.
12Уцяскав раськесь, конань Пазозо сонсь Азорось.
Уцяскав буесь, конань Сон кочкизе Эсензэ уличикс.
13Азорось ваны менельстэ алов
ды неи эрьва ломаненть.
14Сон ваны Эсь инеэземстэнзэ
модалангонь весе эрицятнень лангс.
15Сон тейсь-макссь тенст седейть
ды содасынзе весе сынст тевест.
16Инязоронть а идесы покш ушмозо,
виевентькак а ванстасы ине виезэ.
17Стяко кемемс идемань тевсэнть айгоронть лангс,
сон а ванстатанзат эсензэ ине вийсэнзэ.
18Азорось вана мелявты Сондензэ пелицятнеде,
Сонзэ седеймарямонть лангс кемицятнеде-нежедицятнеде.
19Сон идесынзе оймест куломадо
ды андсынзе-симдьсынзе вачо шкасто.
20Минек ойменек кеми-нежеди Азоронть лангс.
Сон минек лездыцянок ды минек ванстыцянок.
21Сонзэ кувалт эрьгели-кенярды минек седеенек.
Минь кемтяно-нежедтяно Сонзэ иневанькс лементь лангс.
22Азоро, Тонь седеймарямось улезэ свал мартонок.
Минь кемтяно-нежедтяно Тонь лангс.
*а 32:11 буестэ буес – из рода в род
Глава 32