Выбрать язык
Книги Ветхого Завета
Книги Нового Завета
без русского текстаЛУКАНЬ КОРЯС ЕВАНГЕЛИЯ | ЕВАНГЕЛИЕ ОТ ЛУКИ |
Глава 5 | Глава 5 |
| 1Весть Иисус аштесь Геннисарет эрьке чиресэ. Пазонь валонть марямонзо кисэ ломантне эцесть малазонзо. | 1Однажды, когда народ теснился к Нему, чтобы слышать слово Божие, а Он стоял у озера Геннисаретского, |
| 2Иисус несь ведь чирестэ кавто венчт. Калонь кундыцятне лиссть венчстэ ды ёрвалесть алтымаст*а. | 2увидел Он две лодки, стоящие на озере; а рыболовы, выйдя из них, вымывали сети. |
| 3Иисус совась вейке венчентень, конась ульнесь Симононь, ды мерсь сонензэ аламодо уемс эрьке чирестэнть. Теде мейле Иисус, венчсэнть озадо аштезь, кармась тосто ломантнень тонавтомо. | 3Войдя в одну лодку, которая была Симонова, Он просил его отплыть несколько от берега и, сев, учил народ из лодки. |
| 4Зярдо Иисус прядызе тонавтоманзо, мерсь Симоннэнь: «Уйть седе домка таркав ды каинк алтыманк калонь кундамга». | 4Когда же перестал учить, сказал Симону: отплыви на глубину и закиньте сети свои для лова. |
| 5Симон каршонзо мерсь: «Тонавтыця, минь вень перть важодинек, ансяк мезеяк эзинек кунда. Ялатеке мон таго нолдасынь алтыматнень, Тон меремат кунсолозь». | 5Симон сказал Ему в ответ: Наставник! мы трудились всю ночь и ничего не поймали, но по слову Твоему закину сеть. |
| 6Сынь истя тейстькак ды кундасть зняро калт, мик алтыматне кармасть сезневеме. | 6Сделав это, они поймали великое множество рыбы, и даже сеть у них прорывалась. |
| 7Сынь, кедьсэ аволязь, тердизь лездамо лия венчстэ ялгатнень. Сетне уйсть ваксозост ды пряс пештизь калсо кавонест венчтнень. Венчтне мик кармасть ваямо. | 7И дали знак товарищам, находившимся на другой лодке, чтобы пришли помочь им; и пришли, и наполнили обе лодки, так что они начинали тонуть. |
| 8Тень неезь, Симон-Петра прась Иисусонь икелев кумажа лангс ды энялдозевсь: «Кадомак, Азором, эдь мон пежетеван!» | 8Увидев это, Симон Петр припал к коленям Иисуса и сказал: выйди от меня, Господи! потому что я человек грешный. |
| 9Истя ламо кундазь калтнэде Симон ды сонзэ лия ялганзо абунгадсть ды тандадсть. | 9Ибо ужас объял его и всех, бывших с ним, от этого лова рыб, ими пойманных; |
| 10Истя жо тандадсть Яков ды Иоанн, Зеведеень цёранзо, конат кундсесть калт Симон марто вейсэ. Иисус мерсь Симоннэнь: «Иля пеле, те чистэнть саезь тон кармат улеме Монень ломанень ветицякс, аволь калонь кундсицякс». | 10также и Иакова и Иоанна, сыновей Зеведеевых, бывших товарищами Симону. И сказал Симону Иисус: не бойся; отныне будешь ловить человеков. |
| 11Сынь таргизь венчтнень эрьке чирентень, кадызь весементь ды тусть Иисус мельга. | 11И, вытащив обе лодки на берег, оставили всё и последовали за Ним. |
| 12Иисус кодамо-бути ошсо вастсь ломань, кона прясто пильгс вельтязель проказа ормасо. Зярдо сон неизе Иисусонь, пульзясь икелензэ, сюконясь модас ды кармась энялдомо: «Азоро, улиндеряй мелеть, мон Тонеть ванськавтован!» | 12Когда Иисус был в одном городе, пришел человек весь в проказе и, увидев Иисуса, пал ниц, умоляя Его и говоря: Господи! если хочешь, можешь меня очистить. |
| 13Иисус венстизе кедензэ, токизе сонзэ ды мерсь: «Ули мелем. Ванськадт!» Ормась нейке жо кадызе сэредицянть. | 13Он простер руку, прикоснулся к нему и сказал: хочу, очистись. И тотчас проказа сошла с него. |
| 14Иисус кармавтсь тензэ: «Вант, киненьгак теде иля ёвтне. Азё попнэнь ды ванкшновтык прят. Теде мейле ванськадомат кисэ кандт Пазонтень казне. Истя эряви теемс Моисеень Коень коряс. Теньсэ тон невтьсак ломантненень эсь шумбралгадомат». | 14И Он повелел ему никому не сказывать, а пойти показаться священнику и принести [жертву] за очищение свое, как повелел Моисей, во свидетельство им. |
| 15Седеяк келейстэ сралесь Иисусто кулясь. Ламодояк ламо ломанть пурнавкшность Сонзэ перька – Сонзэ кунсоломо ды шумбралгалеме эсест орматнеде. | 15Но тем более распространялась молва о Нём, и великое множество народа стекалось к Нему слушать и врачеваться у Него от болезней своих. |
| 16Иисус жо сеедьстэ тукшнось чаво таркав ды тосо ознокшнось. | 16Но Он уходил в пустынные места и молился. |
| 17Весть, зярдо Иисус тонавтсь, пуромозтнень ютксо Сонзэ кунсолость фарисейтькак ды Койс тонавтыцяткак, конат састь Галилеянь ды Иудеянь весе велетнестэ ды Ерусалимстэяк. Азоронь виесь ульнесь Иисусонь эйсэ, секскак Сон шумбралгавтсь сэредицятнень. | 17В один день, когда Он учил, и сидели тут фарисеи и законоучители, пришедшие из всех мест Галилеи и Иудеи и из Иерусалима, и сила Господня являлась в исцелении [больных], -- |
| 18Зярыя цёрат ацамо лангсо кандсть Сонензэ мадезь ломань, кона сэредсь катар ормасо*б. Совавтыксэлизь сэредицянть кудос ды путыксэлизь Иисусонь икелев. | 18вот, принесли некоторые на постели человека, который был расслаблен, и старались внести его [в дом] и положить перед Иисусом; |
| 19Ансяк кудосонть ульнесть пек ламо ломанть, секскак кандыцятне тов эзть соваво. Сынь кузсть кудонть лангс, калавтызь черепицянь вельтявксонть ды варяванть нолдызь сэредицянть ацамонек-мезнек ломантнень юткс, Иисусонь икелев. | 19и, не найдя, где пронести его за многолюдством, влезли на верх дома и сквозь кровлю спустили его с постелью на средину пред Иисуса. |
| 20Зярдо Иисус неизе сынст кемемаст, Сон мерсь сэредицянтень: «Оям, нолдазь тонь пежететь». | 20И Он, видя веру их, сказал человеку тому: прощаются тебе грехи твои. |
| 21Фарисейтне ды Койс тонавтыцятне арсезевсть: «Кие те истямось? Мекс Сон истя Пазонть нарьги-покорды? Кинень, Паздонть башка, нолдавить пежетне?» | 21Книжники и фарисеи начали рассуждать, говоря: кто это, который богохульствует? кто может прощать грехи, кроме одного Бога? |
| 22Иисус, сынст мельтнень содазь, кевкстинзе: «Мезекс тынь кирдтядо седейсэнк истят арсематнень? | 22Иисус, уразумев помышления их, сказал им в ответ: что вы помышляете в сердцах ваших? |
| 23Мезесь седе шождыне меремс: “Нолдазь тонь пежететь”, эли “Стяк ды якак”? | 23Что легче сказать: прощаются тебе грехи твои, или сказать: встань и ходи? |
| 24Истя тынь содадо, масторлангсо Ломантнень Цёранть ули азорксчизэ пежетень нолдамскак». Теде мейле пшкадсь катардыцянтень: «Кортан теть: стяк, саить ацамот ды азё кудов!» | 24Но чтобы вы знали, что Сын Человеческий имеет власть на земле прощать грехи, --сказал Он расслабленному: тебе говорю: встань, возьми постель твою и иди в дом твой. |
| 25Весень сельме икеле сэредицясь сеске стясь, саинзе ацамонзо ды тусь кудов, Пазонть шназь. | 25И он тотчас встал перед ними, взял, на чём лежал, и пошел в дом свой, славя Бога. |
| 26Покш абунгадома саинзе весень, сынь шнасть Пазонть ды тандадомань пачк кортасть: «Течи минь неинек акемевикс тевть!» | 26И ужас объял всех, и славили Бога и, быв исполнены страха, говорили: чудные дела видели мы ныне. |
| 27Теде мейле Иисус тусь ды неизе каявксонь пурныцянть Левинь. Сон озадоль каявксонь пурнамо кудонть вакссо. Иисус мерсь тензэ: «Мольть Монь мельга!» | 27После сего [Иисус] вышел и увидел мытаря, именем Левия, сидящего у сбора пошлин, и говорит ему: следуй за Мною. |
| 28Леви стясь, весементь кадызе ды тусь мельганзо. | 28И он, оставив всё, встал и последовал за Ним. |
| 29Мейле Леви эсензэ кудосо анокстась Иисусонь туртов покш каванямо. Тосо ульнесть каявксонь ламо пурныцят ды лия инжетькак. Сынь весе вейсэ ярсасть-симсть. | 29И сделал для Него Левий в доме своем большое угощение; и там было множество мытарей и других, которые возлежали с ними. |
| 30Койс тонавтыцятне ды фарисейтне кежиявтозь кортасть Иисусонь тонавтницянстэнь: «Кода истя тынь каявксонь пурныця марто ды лия пежетев ломань марто вейсэ ярстадо-симтядо?!» | 30Книжники же и фарисеи роптали и говорили ученикам Его: зачем вы едите и пьете с мытарями и грешниками? |
| 31Иисус мерсь каршост: «Ормаменстиця эряви сэредицянень, аволь шумбра ломаннень. | 31Иисус же сказал им в ответ: не здоровые имеют нужду во враче, но больные; |
| 32Мон сынь тердеме велявтомс Пазонтень пежетевтнень, аволь видечисэтнень». | 32Я пришел призвать не праведников, а грешников к покаянию. |
| 33Иисусонь кевкстизь: «Мекс Иоаннонь ды фарисейтнень тонавтницяст сеедьстэ постовить ды озныть, Тонсетне жо ансяк ярсыть ды симить?!» | 33Они же сказали Ему: почему ученики Иоанновы постятся часто и молитвы творят, также и фарисейские, а Твои едят и пьют? |
| 34Иисус мерсь тень каршо: «Арази кармавтовить постонь кирдеме свадьбань инжетне, зярс урьвакстыцясь мартост? | 34Он сказал им: можете ли заставить сынов чертога брачного поститься, когда с ними жених? |
| 35Сы шка, зярдо урьвакстыцясь ули саезь юткстост, сестэ, сеть читнестэ, сыньгак кармить постовамо». | 35Но придут дни, когда отнимется у них жених, и тогда будут поститься в те дни. |
| 36Ды Иисус ёвтнесь сыненст валвелявкс: «Кияк ташто оршамос а панды коцтонь панкс, кона сезезь од оршамосто. Бути истя теят, сестэ колави од оршамоськак ды од коцтонь панксось а лади таштонтеньгак. | 36При сем сказал им притчу: никто не приставляет заплаты к ветхой одежде, отодрав от новой одежды; а иначе и новую раздерет, и к старой не подойдет заплата от новой. |
| 37Од винаяк кияк а кайси ташто кедень кескавс*в. Бути истя теят, сестэ винась сезнесынзе кедень кескавтнень ды чуди масторов, кескавтнеяк ёмить. | 37И никто не вливает молодого вина в мехи ветхие; а иначе молодое вино прорвет мехи, и само вытечет, и мехи пропадут; |
| 38Секскак од винанть эряви каямс од кедень кескавтнес. Сестэ ванстови теяк, тонаяк. | 38но молодое вино должно вливать в мехи новые; тогда сбережется и то и другое. |
| 39Ды киньгак, кона симнесь ташто винадо, а ули мелезэ симемс одто. Сон корты: “Таштось седе вадря”». | 39И никто, пив старое [вино], не захочет тотчас молодого, ибо говорит: старое лучше. |
*а 5:2 алтыма – калонь кундамопель; сеть
*б 5:18 катар орма – паралич; катардыця – парализованный
*в 5:37 кедень кескав – бурдюк
Глава 5