Выбрать язык
Книги Ветхого Завета
Книги Нового Завета
без русского текстаАПОКАЛИПСИСЭЛИ ИОАННЭНЬ ПАНЖОЗЬ НЕЯВКС | ОТКРОВЕНИЕ ИОАННА |
Глава 7 | Глава 7 |
| 1Теде мейле мон неинь ниле ангелт, конат стядо аштесть модань ниле ёнкстнэва. Сынь кирдсть модань ниле варматнень ды эзть максо тенст пувамс моданть лангс, иневеденть лангс ды кодамояк чувто лангскак. | 1И после сего видел я четырех Ангелов, стоящих на четырех углах земли, держащих четыре ветра земли, чтобы не дул ветер ни на землю, ни на море, ни на какое дерево. |
| 2Ды мон неинь лия ангел, кона кепедевсь чилисема пельде ды конань кедьсэ ульнесь эриця Пазонть тешкстамопель. Ангелэсь виев вайгельсэ серьгедсь ниле ангелтнэнень, конатненень мерезель теемс зыян модантень ды иневедентень: | 2И видел я иного Ангела, восходящего от востока солнца и имеющего печать Бога живаго. И воскликнул он громким голосом к четырем Ангелам, которым дано вредить земле и морю, говоря: |
| 3«Илядо тее зыян модантень, иневедентень ды чувтнэненьгак, зярс минь а тешкстасынек минек Пазонть весе важотнень коняст тешкстамосо!» | 3не делайте вреда ни земле, ни морю, ни деревам, доколе не положим печати на челах рабов Бога нашего. |
| 4Ды мон маринь, зярот ульнесть тешкстазь Пазонь тешкстамосо. Тешкстазтнеде ульнесть сядо ниленьгемень ниле тёжат Израилень весе буетнестэ-раськетнестэ. | 4И я слышал число запечатленных: запечатленных было сто сорок четыре тысячи из всех колен сынов Израилевых. |
| 5Тешкстазтнеде ульнесть кемгавтово тёжат эрьва буенть ютксто: Иудань, Рувинэнь, Гадонь, | 5Из колена Иудина запечатлено двенадцать тысяч; из колена Рувимова запечатлено двенадцать тысяч; из колена Гадова запечатлено двенадцать тысяч; |
| 6Асирэнь, Нафталинь, Манассень, | 6из колена Асирова запечатлено двенадцать тысяч; из колена Неффалимова запечатлено двенадцать тысяч; из колена Манассиина запечатлено двенадцать тысяч; |
| 7Симеононь, Левинь, Исаскаронь, | 7из колена Симеонова запечатлено двенадцать тысяч; из колена Левиина запечатлено двенадцать тысяч; из колена Иссахарова запечатлено двенадцать тысяч; |
| 8Завулононь, Иосифень ды Вениаминэнь буенть ютксто. | 8из колена Завулонова запечатлено двенадцать тысяч; из колена Иосифова запечатлено двенадцать тысяч; из колена Вениаминова запечатлено двенадцать тысяч. |
| 9Мейле мон неинь покштояк покш промкс. Тосо ульнесть ламодояк ламо ломанть – сынь киненьгак эзть ловново. Сынст ютксо ульнесть эрьва кодамо буень, раськень, масторонь ды эрьва кодамо келень ломанть. Сынь аштесть инязоронь озамо тарканть ды Вирезэнть икеле, оршазельть ашо оршамосо, ды кедьсэст кирдсть пальмань тарадт. | 9После сего взглянул я, и вот, великое множество людей, которого никто не мог перечесть, из всех племен и колен, и народов и языков, стояло пред престолом и пред Агнцем в белых одеждах и с пальмовыми ветвями в руках своих. |
| 10Сынь покш вайгельсэ сеересть: «Минек Пазонть кедьсэ, кона озадо ашти инязоронь озамо таркасо, ды Вирезэнть кедьсэ минек идеманок!» | 10И восклицали громким голосом, говоря: спасение Богу нашему, сидящему на престоле, и Агнцу! |
| 11Ды весе ангелтнэ, конат стядо аштесть инязоронь озамо тарканть перька, сыре атятнень ды ниле ракшань-ломанень кондятнэнь перька, прасть инязоронь озамо тарканть икелев ды шнасть Пазонть инексчинзэ. | 11И все Ангелы стояли вокруг престола и старцев и четырех животных, и пали перед престолом на лица свои, и поклонились Богу, |
| 12 «Аминь, улезэ истя! – кортасть сынь. – Чанстямо-баславамо ды инексчи, ине превть ды сюкпря, шнамо, вий ды нарде улезэ минек Пазонтень пингеде пингес! Аминь». | 12говоря: аминь! благословение и слава, и премудрость и благодарение, и честь и сила и крепость Богу нашему во веки веков! Аминь. |
| 13Сыре атятнестэ вейкесь кевкстимим монь: «Кить неть ашо оршамосо оршазь ломантне ды косто сынь састь?» | 13И, начав речь, один из старцев спросил меня: сии облеченные в белые одежды кто, и откуда пришли? |
| 14Тень каршо мон меринь: «Мон а содан. Теде тон содат, покштяй». Сон кортась монень: «Нетне сеть, конат печтясть ине пиштемань шка. Сынь муськизь-ванськавтызь эсест оршамопелест ды ашолгавтызь Вирезэнь верьсэнть. | 14Я сказал ему: ты знаешь, господин. И он сказал мне: это те, которые пришли от великой скорби; они омыли одежды свои и убелили одежды свои Кровию Агнца. |
| 15Секскак сынь Пазонь инязоронь озамо тарканть икеле ды чинек-венек важодить Тензэ Сонзэ кудосо. Инязоронь таркасо Озадось карми эрямо ютксост ды карми ванстомо сынст. | 15За это они пребывают [ныне] перед престолом Бога и служат Ему день и ночь в храме Его, и Сидящий на престоле будет обитать в них. |
| 16Ды ней сынст зярдояк а стардсынзе вачочись ды симемань самось. Сынст а пултасынзе чипаесь, а чентясынзе псись. | 16Они не будут уже ни алкать, ни жаждать, и не будет палить их солнце и никакой зной: |
| 17Эдь Вирезэсь инязоронь озамо тарканть куншкасто карми ваномо сынст мельга ды ветясынзе лисьмапрятнес, конатнестэ чуди эрямо ведь. Ды Пазось нардасы сынст сельместэст эрьва сельведьэрьгиненть». | 17ибо Агнец, Который среди престола, будет пасти их и водить их на живые источники вод; и отрет Бог всякую слезу с очей их. |
Глава 7