Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
114 Псалом
[Аллилуйя!]1 Ме радейта Дӧсвидзисьсӧ,
Сія эд менчим кеймӧ́мӧс кыліс.
2 Сія пельсӧ меланьӧ бергӧтіс,
сійӧн ме Сылісь отсӧтсӧ пыр понда корны.
3 Кула́н шогӧттэз менӧ зэлӧтісӧ.
Адлӧн маитчӧ́мыс менӧ вӧтіс.
Быдкодь сьӧкытыс да тӧждісьӧ́мыс менӧ личкис.
4 Сэк ме кори Дӧсвидзисьсӧ нимнас:
«Дӧсвидзисьӧ, мезды менӧ!»
5 Миян Енным небыт сьӧлӧма.
Дӧсвидзисьным веськыта керӧ
да небыт сьӧлӧмсянь отсалӧ.
6 Дӧсвидзись осьта сьӧлӧмаэсӧ видзӧ.
Кӧр ме садьтӧмсялі,
Сія меным отсаліс.
7 Лолӧ, берт лӧня овны,
Дӧсвидзисьыс эд тэнӧ бурнас кытшӧвтіс.
8 Дӧсвидзисьӧ,
Тэ менӧ мездiн кулӧ́мись,
синнэзӧс ─ синва кисьтӧ́мись,
коккезӧс ─ усьӧ́мись.
Ме Дӧсвидзись одзын понда овны,
му вылас ловьяэз коласын ветлӧтны.
Ошкӧ́м.
Глава 114
