Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
115 Псалом
[Аллилуйя!]1 Ме вериті, сійӧн баиті:
«Ме ӧддьӧн тӧждіся».
2 Кӧр меным вӧлі ӧддьӧн сьӧкыт,
сэк ме висьталі:
«Отирыс быдӧнныс ─ бӧбӧтчиссез».
3 Мыйӧн вештіся Дӧсвидзисьлӧ
меным бурсӧ керӧ́ммез понда?
4 Ме езъяла́н козинӧн вина вая,
Дӧсвидзисьсӧ нимнас кора,
менӧ мездӧ́м понда Сійӧ буркы́вта.
5 Дӧсвидзисьлӧ мый кӧсйиси,
сійӧ Сылӧн отир одзын кера.
6 Дӧсвидзисьлӧ ӧддьӧн дона
Сылӧн надейнӧй отирлӧн кулӧ́мыс.
7 Дӧсвидзисьӧ, ме Тэнат раб,
Тэнат раб-инькалӧн зон, Тэнат раб.
Тэ менӧ домӧттэзісь мездiн.
8 Дӧсвидзисьӧ,
ме Тэныт буркывта́н езъяла́н вая,
Тэнӧ нимнат кора.
9 Дӧсвидзисьлӧ мый кӧсйиси,
сійӧ Сылӧн отир одзын кера
10 Дӧсвидзисьлӧн Вежа Керку йӧрын,
Ерусалим, тэ шӧрын.
Аллилуйя!
Глава 115
