Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
135 Псалом
[Аллилуйя!]1 Ошкӧ Дӧсвидзисьсӧ, Сія эд бур!
Сія пыр небыт сьӧлӧма.
2 Ошкӧ еннэзлісь Енсӧ!
Сія пыр небыт сьӧлӧма.
3 Ошкӧ Дӧсвидзисьсӧ, юраліссез вылын Юралісьсӧ!
Сія пыр небыт сьӧлӧма.
4 Ошкӧ Дӧсвидзисьсӧ!
Дзир Сія керӧ вына адззывлытӧммесӧ.
Сія пыр небыт сьӧлӧма.
5 Сія енӧжжесӧ ыджыт мывкыдӧн керис.
Сія пыр небыт сьӧлӧма.
6 Mусӧ ваэз вылӧ сувтӧтіс.
Сія пыр небыт сьӧлӧма.
7 Сія ыджыт югдӧта́ннэз аркмӧтіс.
Сія пыр небыт сьӧлӧма.
8 Шондісӧ керис веськӧтлыны лунӧн.
Сія пыр небыт сьӧлӧма.
9 Тӧлісьсӧ да кӧдзу́ввесӧ
*а керис веськӧтлыны ойӧн.
Сія пыр небыт сьӧлӧма.
10 Египет отирсӧ вачкис,
и нылӧн медодзза чу́жӧммез кулісӧ.
Сія пыр небыт сьӧлӧма.
11 Израиль отирсӧ Египетсис петкӧтіс.
Сія пыр небыт сьӧлӧма.
12 Сія нiйӧ петкӧтіс вына кисӧ нюжӧтӧмӧн.
Сія пыр небыт сьӧлӧма.
13 Гӧрд саридзсӧ шӧри поткӧтіс.
Сія пыр небыт сьӧлӧма.
14 Саридз шӧрӧт Израиль отирсӧ вуджӧтіс.
Сія пыр небыт сьӧлӧма.
15 Фараонсӧ да сылісь воин чукӧрсӧ
Гӧрд саридзас пӧдтіс.
Сія пыр небыт сьӧлӧма.
16 Ассис отирсӧ кушмуӧт нуӧтіс.
Сія пыр небыт сьӧлӧма.
17 Вына ӧксуэзӧс пӧрӧтіс.
Сія пыр небыт сьӧлӧма.
18 Вына ӧксуэзлісь Сія ола́ннысӧ орӧтіс.
Сія пыр небыт сьӧлӧма.
19 Сигонлісь, аморрейезлӧн ӧксулісь oла́нсӧ орӧтіс.
Сія пыр небыт сьӧлӧма.
20 Оглісь, Васанісь ӧксулісь ола́нсӧ орӧтіс.
Сія пыр небыт сьӧлӧма.
21 Нылісь мусӧ Аслас отирлӧ пыр кежӧ сетіс.
Сія пыр небыт сьӧлӧма.
22 Нылісь мусӧ Израиль отирлӧ, Аслас раббезлӧ сетіс.
Сія пыр небыт сьӧлӧма.
23 Миянӧс отирӧ эзӧ пуктӧ, но Сія миянӧс эз вунӧт.
Сія пыр небыт сьӧлӧма.
24 Миян вылӧ лэбтісьӧм йӧз дынiсь миянӧс мездiс.
Сія пыр небыт сьӧлӧма.
25 Быд олісьлӧ Сія сёя́н сетӧ.
Сія пыр небыт сьӧлӧма.
26 Ошкӧ енӧжись Енсӧ!
Сія пыр небыт сьӧлӧма.
*а 135:9 кӧдзу́в ─ звезда
Глава 135
