Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
136 Псалом
1 Мийӧ пукалім Вавилонiсь юэз дорын да горзiм,
кӧр Сионсӧ касьтывлім.
2 Ассиным арфаэсӧ ю дорись баддез вылӧ ӧшӧтім.
3 Миянӧс пленӧ босьтіссез, асланыс муӧ вайӧтіссез,
тшӧктісӧ миянӧс сьывны.
Миянӧс дзескӧтліссез тшӧктісӧ гажӧтчыны.
Нiя шувлісӧ:
«Сьылӧ миянлӧ Сионісь сьыланкы́ввесӧ!»
4 Вермамӧ разь мийӧ йӧз муын
Дӧсвидзисьлісь сьыланкы́всӧ сьывны?
5 Ерусалим, ме тэнӧ вунӧта кӧ,
сэк менам веськыт киӧ ась вынтӧмсялӧ!
6 Ерусалим, ог кӧ понды видзны тэнӧ тӧдвылам,
тэ он кӧ ло менам медбур гажӧтчӧ́мӧн,
сэк кылӧ ась ӧмам лякасьӧ!
7 Дӧсвидзисьӧ,
Едом отирлӧ уськӧт тӧдвыланыс сійӧ лунсӧ,
кӧр нія Ерусалим карсӧ разиссезлӧ шувлісӧ:
«Разьӧ, разьӧ сійӧ муӧдз!»
8 Вавилон кар, тэ лоан разьӧм!
Шуда сія, кӧда вештісяс тэныт сы понда,
мый тэ керин миянлӧ!
9 Шуда сія, кӧда босьтас тэнчит кагаэтӧ
да пазйас нiйӧ иззэз бердӧ!
Ошкӧ́м.
Глава 136
