Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
141 Псалом
Давидлӧн велӧтӧ́м. Керӧс гыркын*а кеймӧ́м.1 Ме Дӧсвидзисьсӧ горӧн кори,
Дӧсвидзисьлӧ горӧн кеймиси.
2 Кеймикам ме ассим сьӧлӧмӧс Сылӧ осьті,
сьӧлӧм шогӧс Сылӧ висьталі.
3 Кӧр ме нач садьтӧмсявлі,
сэк Тэ тӧдiн, кытчӧ меным мунны.
Кӧда туй вылӧт ме мунi,
сэтчӧ лёк кериссес гусьӧн кыйся́н пуктӧмась.
4 Ме видзӧта веськытланяс и адзза:
быдӧнныслӧ ме абутӧм туйӧ.
Меным некытчӧ пышшыны,
ме понда некин оз тӧждісь.
5 Дӧсвидзисьӧ, ме Тэныт горӧн кеймиси.
Ме шуи: «Тэ ─ менам дзебсисянінӧ,
эта му вылын менам ола́н пайӧ ─ Тэ».
6 Кыв менчим горзӧ́м-кеймисьӧ́мӧс,
ме эд нач садьтӧмсялі!
Мезды менӧ вашӧтліссез дынiсь,
нiя эд месся вынажыкӧсь.
7 Петкӧт менӧ пемытінсис,
медбы ме верми ошкыны Тэнчит нимтӧ.
Кӧр Тэ керан меным бурсӧ,
сэк ме гӧгӧрӧ веськыта оліссез ӧксясӧ.
*а 141:0 керӧс гырк – пещера
Глава 141
