Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
142 Псалом
Давидлӧн псалом, [кӧдӧ сія сьыліс, кӧр Авессалом зоныс вӧтлісис сы сьӧрын].1 Дӧсвидзисьӧ, кыв менчим кеймӧ́мӧс,
кывзы менчим кеймисьӧ́мӧс, кыв менӧ,
Тэ эд надейнӧй Отсалісь да веськыта Керись!
2 Аслат рабкӧт эн судитчы,
му вылын оліссез коласiсь эд нельки ӧтік морт
Тэ одзын оз вермы асьсӧ дорйыны.
3 Ме вылӧ лэбтісьӧм мортыс ме сьӧрын вӧтлісьӧ,
медбы лолӧс босьтны.
Сія менӧ нятяс талис,
пемытінын олӧ́мӧдз вайӧтіс,
кыдз важын ни кулӧмӧс.
4 Ме нач садьтӧмсялі,
менчим сьӧлӧмӧс кыдз из личкӧ.
5 Касьтывла кӧркӧся кадсӧ,
юрам бергӧтла Тэнчит керӧ́мметӧ,
мый Тэ керин Аслат киэзӧн.
6 Ме лэбта Тэланьӧ Ассим киэзӧс,
менам лолӧ ӧддьӧн видзчисьӧ Тэнӧ,
кыдз кӧс му ӧддьӧн видзчисьӧ зэрсӧ.
7 Дӧсвидзисьӧ, чожажык кыв менӧ,
менам лолӧ ӧдва видзсьӧ.
Ме шогья эн сайӧвт Ассит чужӧ́мтӧ,
медбы ме эг ло шойнаӧ водтӧтӧм.
8 Сет меным одз асывнас кывны
Тэнат небыт сьӧлӧмсянь отсалӧ́м йылісь.
Ме эд Тэ вылӧ надейтча.
[Дӧсвидзисьӧ,] мыччав меным туйсӧ,
кӧда вылӧт меным мунны!
Ме Тэныт осьта ассим сьӧлӧмӧс.
9 Дӧсвидзисьӧ, мезды менӧ
ме вылӧ лэбтісьӧммез дынiсь!
Тэ дынын ме адзза дорйӧ́мсӧ.
10 Велӧт менӧ овны сідз, кыдз Тэныт колӧ,
Тэ эд менам Енӧ.
Тэнат бур Лолыт петкӧтас менӧ волькыт туй вылӧ.
11 Дӧсвидзисьӧ,
Аслат ним понда видз менчим ола́нӧс!
Аслат веськыта керӧ́м понда
петкӧт менӧ эта умӧль лоӧ́мись!
12 Ло ме дынӧ небыт сьӧлӧма,
пазды ме вылӧ лэбтісьӧммесӧ.
Кӧдна мӧдӧны менчим лолӧс босьтны,
нылісь быдӧнныслісь ола́ннысӧ орӧт,
ме эд ─ Тэнат раб.
Ошкӧ́м.
Глава 142
