Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
86 Псалом
1 Корей зоннэзлӧн сьыла́н псалом.2 Дӧсвидзисьлӧн карыс вежа керӧссэз вылын сулалӧ.
Яков увтырлӧн мӧдік каррезся
Дӧсвидзись Сионсӧ
*а ӧддьӧнжык радейтӧ.
3 Енлӧн кар,
тэ йылісь быдлаын дзир бурсӧ висьтасьӧны.
4 Еныс шуӧ:
«Египетын
*б да Вавилонын оліссез йылісь
висьтала: "Нія Менӧ тӧдӧны".
Филистимын, Тирын, Эфиопияын оліссез йылісь
висьтала: "Нія Сионын чужисӧ"».
5 Сион кар йылісь висьталасӧ:
«Этна морттэс чужисӧ сія карын,
кӧдӧ Ачыс Медвылісьыс ёнмӧтӧ».
6 Дӧсвидзисьыс отирсӧ лыддикӧ гижас:
«Сія то сэтчин чужис».
7 Сьыліссез да орсіссез шуасӧ:
«Меным быдӧс бурыс Тэсянь визывтӧ».
*а 86:2 Сион ─ эстӧн Ерусалим кар
*б 86:4 Еврейскӧй текстын эстӧн Египетыс гижӧм «Раав» нимӧн.
Глава 86
