Выбрать язык
Книги Ветхого Завета
Книги Нового Завета
с русским текстом1Сійӧн миянлӧ колӧ буржыка видзсьыны кылӧмным бердӧ, медбы мӧдӧрӧ эгӧ ылалӧ.2Еныслӧн ангеллэз пыр висьталӧм кылыс эд вӧлӧм вына: кывзісьтӧг олӧм понда да быд лёк керӧм понда Еныс отирсӧ веськыта мыжйывлӧм.3Кыдз сэк мийӧ пышшам, абутӧм туйӧ кӧ пуктам эттшӧм вына мезмӧмсӧ? Сія мезмӧм йылісь медодз висьтасис Дӧсвидзисьыс. Сысянь кыліссес сыбӧрын висьтасисӧ миянлӧ да вынсьӧтісӧ: висьтасьӧмыс ─ быль.4Висьтасьӧмсӧ Еныс вынсьӧтіс пассэзӧн*а, адззывлытӧммезӧн*б да быдкодь вына керӧммезӧн. Сія козьналіс Вежа Ловсянь верман-кужан козиннэсӧ, кыдз Сылӧ коліс.
5Одзланься мусӧ Еныс эз сет ангеллэз кипод увтӧ. Эта йылісь ӧні баитам.6Кинкӧ тай сідз висьталӧм:
─ Морт ─ кин сія сэтшӧмыс,
Тэ сійӧ тӧдвылат видзан?
Кин сія мортлӧн зоныс,
Тэ сы сьӧрын видзӧтан?
7Ангеллэзся лажмытжыка
Тэ сійӧ сувтӧтін недыр кежӧ.
Югьялӧмнас да вылына лэбтӧмнас*в
Тэ сійӧ юркытшалін.
Аслат киэзӧн быд керӧмсӧ
сетін сы кипод увтӧ.
8Быдӧс пуктін сы кок увтӧ!
Быдӧс кӧ сетіс морт кипод увтӧ, сеттӧмыс сэк нем эз коль. Ӧні мийӧ огӧ на адззӧ, медбы быдӧс вӧлі сетӧм.9Но мийӧ адззам Исуссӧ: Сія ангеллэзся лажмытжыка вӧлі сувтӧтӧм недыр кежӧ. Сылӧ ковсис кувны быдӧнныс понда. Сідз локтіс отирлӧ Енлӧн бурсетӧмыс*г. Пессьӧмӧн-мырсьӧмӧн*д кулӧмыс понда Сія ӧні юркытшалӧм вылына лэбтӧмнас да югьялӧмнас.
10Еныс быдӧс аркмӧтіс, быдӧс лоис Сы пыр. Сія уна отирӧс лӧсьӧтчӧм вайӧтны Аслас югьяланінӧ. Сійӧн Еныс лэдзис Исуссӧ, мезмӧмсӧ Сетісьсӧ, пессьыны-мырсьыны, медбы Сы пыр ештӧтны*е Ассис лӧсьӧтӧмсӧ.11Отирсӧ вежаӧн Керисьыс да вежа отирыс ӧтік Айсянь. Сійӧн Сылӧ абу рожа кулян шуны нійӧ Аслас воннэзӧн.
12Сія шуӧ:
─ Юӧрта Тэнчит нимтӧ Менам воннэзлӧ.
Ӧксьӧммес одзын сьылӧта Тэнӧ.
13И сідз шуӧ:
─ Ме понда надейтчыны Сы вылӧ.
Мӧдіклаын шуӧ:
─ Ме эстӧн челядьӧкӧт,
кӧднӧ сетіс Меным Еныс.
14Челядьыслӧн эм вир-яйись вывтыр. Сійӧн Исусыс лоис ны кодь. Сылӧ ковсис Аслас кулӧмӧн орӧтны вынсӧ кульыслісь, кӧда веськӧтлӧ кулӧмнас.15Исусыс локтіс мездыны нійӧ, кӧдна овтӧнняныс пыр вӧлісӧ кулӧмись полан домӧттэзын.16Сія оз отсав ангеллэслӧ, отсалӧ Авраам увтырлӧ.
17Сійӧн Сылӧ быдӧсын коліс вачкисьны воннэс вылӧ, медбы лоны небыт сьӧлӧма, Енсӧ кывзісь Аркирейӧн*ж. Сылӧ ковсис вештісьны отирлӧн умӧль керӧммез понда.18Сія Ачыс уна пессис-мырсис да вермис сьӧкытсӧ-ылӧтлӧмсӧ*з. Сійӧн Сія вермӧ отсавны нылӧ, кӧдна вылӧ локтӧ сьӧкытыс-ылӧтлӧмыс.
*а 2.4 пас ─ знак, знамение
*б 2.4 адззывлытӧм ─ чудо
*в 2.7 вылына лэбтӧм ─ честь
*г 2.9 бурсетӧм ─ благодать
*д 2.9 пессьыны-мырсьыны ─ страдать
*е 2.10 ештӧтны ─ завершить
*ж 2.17 аркирей ─ первосвященник
*з 2.18 сьӧкыт-ылӧтлӧм ─ испытание
Глава 2