Выбрать язык
Книги Ветхого Завета
Книги Нового Завета
без русского текстаМАТФЕЙЫН ВОЗЫМО СВЯТОЙ ЕВАНГЕЛИЙ | ЕВАНГЕЛИЕ ОТ МАТФЕЯ |
15 Глава | Глава 15 |
| 1 Тунам Иерусалим гыч Иисус деке фарисей ден закон туныктышо-влак толыныт да ойленыт: | 1Тогда приходят к Иисусу Иерусалимские книжники и фарисеи и говорят: |
| 2 «Молан Тыйын тунемшет-влак ача-кочана-влакын йӱлаштым пудыртылыт? Киндым кочмышт деч ончыч кидым огыт муш». | 2зачем ученики Твои преступают предание старцев? ибо не умывают рук своих, когда едят хлеб. |
| 3 Иисус нунылан вашештен: «А молан те шке йӱлаланда кӧра Юмын кӱштымыжым пудыртылыда? | 3Он же сказал им в ответ: зачем и вы преступаете заповедь Божию ради предания вашего? |
| 4 Вет Юмо кӱштен: ”Ача-аватым пагале”, тыгак ”Кӧ шке ачаж але аваж нерген осал мутым ойла, тудым тек пуштыт”.*а | 4Ибо Бог заповедал: почитай отца и мать; и: злословящий отца или мать смертью да умрет. |
| 5 А те ойледа: кӧ ачажлан але аважлан ”Мом тыланет пуышаш улам ыле, тидым Юмылан надыр шотеш пуэнам” манын каласа, | 5А вы говорите: если кто скажет отцу или матери: дар Богу то, чем бы ты от меня пользовался, |
| 6 тудо ачаж-аважым ок пагале гынат кертеш. Тыге те шке йӱлаланда кӧра Юмын кӱштымыжым ӧрдыжеш кодеда. | 6тот может и не почтить отца своего или мать свою; таким образом вы устранили заповедь Божию преданием вашим. |
| 7 Сайла кояш тӧчышӧ-влак! Кунам Исаий тендан нерген пророклен ойлен, чын лийын. Тудо каласен: | 7Лицемеры! хорошо пророчествовал о вас Исаия, говоря: |
| 8 ”Тиде калык Мый декем мутшо дене лишемеш, Мыйым йылмыж дене пагала, но нунын шӱмышт Мый дечем мӱндырнӧ. | 8приближаются ко Мне люди сии устами своими, и чтут Меня языком, сердце же их далеко отстоит от Меня; |
| 9 Арам нуно Мылам кумалыт: Мыйын туныктымем олмеш айдемын кӱштымым веле туныктат”».*б | 9но тщетно чтут Меня, уча учениям, заповедям человеческим. |
| 10 Иисус Шкеж деке калыкым ӱжын да каласен: «Колыштса да умылыза. | 10И, призвав народ, сказал им: слушайте и разумейте! |
| 11 Умшашке мо пура, тудо айдемым ок амырте, а умша гыч лекше – айдемым амырта». | 11не то, что входит в уста, оскверняет человека, но то, что выходит из уст, оскверняет человека. |
| 12 Тунам тунемшыж-влак лишемыныт да ойленыт: «Палет мо, ойлыметым колын, фарисей-влак ӧпкелалтыныт». | 12Тогда ученики Его, приступив, сказали Ему: знаешь ли, что фарисеи, услышав слово сие, соблазнились? |
| 13 Иисус вашештен: «Мыйын Пылпомышысо Ачам шынден огыл гын, кеч-могай кушкылымат вожге сомылат. | 13Он же сказал в ответ: всякое растение, которое не Отец Мой Небесный насадил, искоренится; |
| 14 Фарисей-влакым шотыш ида нал, нуно сокыр-влакын сокыр вӱден коштыктышышт улыт. А сокыр сокырым вӱда гын, коктынат вынемыш пурен каят». | 14оставьте их: они--слепые вожди слепых; а если слепой ведет слепого, то оба упадут в яму. |
| 15 Петр Тудлан каласен: «Тиде туштен каласыметым мыланна умылтаре». | 15Петр же, отвечая, сказал Ему: изъясни нам притчу сию. |
| 16 «Теат але огыда умыло мо? – йодын Иисус. | 16Иисус сказал: неужели и вы еще не разумеете? |
| 17 – Эшеат огыда ыҥле мо: умшашке пурышо – айдемын кӧргыж гоч эрта да тӱжваке лектеш, | 17еще ли не понимаете, что всё, входящее в уста, проходит в чрево и извергается вон? |
| 18 а умша гыч лекше – шӱм гыч лектеш, тидыже айдемым амырта. | 18а исходящее из уст--из сердца исходит--сие оскверняет человека, |
| 19 Вет шӱм гыч осал шонымо, пуштмо, еҥ вате дене коштмо, яжарланыме, шолыштмо, шойышт таныклыме, мыскылыме лектыт. | 19ибо из сердца исходят злые помыслы, убийства, прелюбодеяния, любодеяния, кражи, лжесвидетельства, хуления-- |
| 20 Тидыже айдемым амырта, а кидым мушде кочмыжо айдемым ок амырте». | 20это оскверняет человека; а есть неумытыми руками--не оскверняет человека. |
| 21 Тушеч лекмеке, Иисус Тир ден Сидон кундемышке каен. | 21И, выйдя оттуда, Иисус удалился в страны Тирские и Сидонские. |
| 22 Теве тиде кундемыште илыше Ханаан калык ӱдырамаш толын да Тудлан кычкырен: «Господь, Давидын Эргыже! Мыйым чамане! Ӱдырем осал шӱлыш дене шучкын орлана!» | 22И вот, женщина Хананеянка, выйдя из тех мест, кричала Ему: помилуй меня, Господи, сын Давидов, дочь моя жестоко беснуется. |
| 23 Но Иисус тудлан ик мутымат вашештен огыл. Тунемшыж-влак Иисус деке лишемыныт да йодыныт: «Кораҥаш тудлан кӱштӧ, почешна кычкыра». | 23Но Он не отвечал ей ни слова. И ученики Его, приступив, просили Его: отпусти ее, потому что кричит за нами. |
| 24 Иисус каласен: «Мыйым Израиль калык кокласе йомшо шорыкышт деке веле колтымо». | 24Он же сказал в ответ: Я послан только к погибшим овцам дома Израилева. |
| 25 А ӱдырамаш Иисус деке миен, кумык возын да ойлен: «Господь, полшо мыланем!» | 25А она, подойдя, кланялась Ему и говорила: Господи! помоги мне. |
| 26 Тудыжо вашештен: «Йоча деч киндым шупшын налын, пийлан кудалташ сай огыл». | 26Он же сказал в ответ: нехорошо взять хлеб у детей и бросить псам. |
| 27 «Господь, тидыже тыгак, – каласен ӱдырамаш. – Но пий-влакат озаштын ӱстембач камвочшо пудыргым кочкыт.» | 27Она сказала: так, Господи! но и псы едят крохи, которые падают со стола господ их. |
| 28 Тунам Иисус тудлан каласен: «О, ӱдырамаш, тыйын ӱшанымашет пешак кугу, тек тыланет шонымет семынак лиеш». Тудо жапыштак ӱдыржӧ паремын. | 28Тогда Иисус сказал ей в ответ: о, женщина! велика вера твоя; да будет тебе по желанию твоему. И исцелилась дочь ее в тот час. |
| 29 Иисус тушеч каен, Галилей теҥыз деке толын, курыкыш кӱзен да тушан шинчын. | 29Перейдя оттуда, пришел Иисус к морю Галилейскому и, взойдя на гору, сел там. |
| 30 Тудын деке моткоч шуко калык лишемын, пырля окшакым, сокырым, йылмыдымым, чолакым да шуко молым конденыт да Иисусын йол воктекше пыштеныт. Тудо нуным паремден. | 30И приступило к Нему множество народа, имея с собою хромых, слепых, немых, увечных и иных многих, и повергли их к ногам Иисусовым; и Он исцелил их; |
| 31 Йылмыдымым ойлаш тӱҥалшым, чолакым тазам, окшакым коштын кертшым, сокырым ужаш тӱҥалшым ужмеке, калык моткоч ӧрын да Израильын Юмыжым моктен. | 31так что народ дивился, видя немых говорящими, увечных здоровыми, хромых ходящими и слепых видящими; и прославлял Бога Израилева. |
| 32 А Иисус тунемшыж-влакым Шкеж деке ӱжын да нунылан каласен: «Нине еҥ-влакым чаманем. Нуно ынде кум кече Мый денем улыт, а кочкашышт нимо уке. Корнышто ынышт ярне манын, нуным шужышым ынем колто». | 32Иисус же, призвав учеников Своих, сказал им: жаль Мне народа, что уже три дня находятся при Мне, и нечего им есть; отпустить же их неевшими не хочу, чтобы не ослабели в дороге. |
| 33 Тунемшыж-влак вашештеныт: «Тынар шуко еҥым пукшаш ситыше киндым ир мландыште кушто муына?» | 33И говорят Ему ученики Его: откуда нам взять в пустыне столько хлебов, чтобы накормить столько народа? |
| 34 «Тендан кунар киндыда уло?» – йодын Иисус. «Шым сукыр кинде да икмыняр изи кол», – каласеныт нуно. | 34Говорит им Иисус: сколько у вас хлебов? Они же сказали: семь, и немного рыбок. |
| 35 Тунам Иисус еҥ-влаклан мланде ӱмбаке шинчаш кӱштен. | 35Тогда велел народу возлечь на землю. |
| 36 Шым сукыр киндым да колым налын, Иисус тауштен пелештен да тодылын, тунемшыж-влаклан пуэн, а нунышт – калыклан. | 36И, взяв семь хлебов и рыбы, воздал благодарение, преломил и дал ученикам Своим, а ученики народу. |
| 37 Чылан теммешке кочкыныт, кодшо катышым шым комдо тич погеныт. | 37И ели все и насытились; и набрали оставшихся кусков семь корзин полных, |
| 38 Ӱдырамаш ден йочам шотлаш огыл гын, кочшо еҥже ныл тӱжем лийын. | 38а евших было четыре тысячи человек, кроме женщин и детей. |
| 39 Калыкым колтымеке, Иисус пушыш шинчын да Магдала кундемыш каен. | 39И, отпустив народ, Он вошел в лодку и прибыл в пределы Магдалинские. |
*а 15:4 Лекм 20:12, 21:17; Зак.уш 5:16.
Глава 15