Выбрать язык
Книги Ветхого Завета
Книги Нового Завета
без русского текстаМАРКЫН ВОЗЫМО СВЯТОЙ ЕВАНГЕЛИЙ | ЕВАНГЕЛИЕ ОТ МАРКА |
12 Глава | Глава 12 |
| 1 Иисус нунылан туштен ойлаш тӱҥалын. «Ик еҥ пасуэшыже виноградым шынден. Тудын йырже печым печен, саска вӱдым темден лукмо верым кӱнчен да башньым чоҥен. Вара аҥам виноград куштышо-влаклан кучаш пуэн да шкеже каен. | 1И начал говорить им притчами: некоторый человек насадил виноградник и обнес оградою, и выкопал точило, и построил башню, и, отдав его виноградарям, отлучился. |
| 2 Жап шумеке, виноград ончышо-влак деч саскам налаш манын, оза нунын деке тарзыжым колтен. | 2И послал в свое время к виноградарям слугу--принять от виноградарей плодов из виноградника. |
| 3 Нунышт тарзым кученыт, тудым кыреныт да нимо деч посна колтеныт. | 3Они же, схватив его, били, и отослали ни с чем. |
| 4 Тунам оза нунын деке вес тарзым колтен, но тудын ӱмбаке кӱм кышкеныт, вуйжым сусыртеныт да, мыскылен, мӧҥгеш колтеныт. | 4Опять послал к ним другого слугу; и тому камнями разбили голову и отпустили его с бесчестьем. |
| 5 Оза эше вес тарзым колтен. Тудыжым пуштыныт. Оза шуко молымат колтен, но нуно чылаштым але кыреныт, але пуштыныт. | 5И опять иного послал: и того убили; и многих других то били, то убивали. |
| 6 Озан эше икте кодын: йӧратыме эргыже. Пытартышлан нунын деке тудым колтен. ”Эргым ончылно нуно вожылыт”, – ойлен тудо. | 6Имея же еще одного сына, любезного ему, напоследок послал и его к ним, говоря: постыдятся сына моего. |
| 7 Но виноградым ончышо-влак икте-весыштлан ойленыт: ”Тиде наследник. Айста тудым пуштына, югыпогыжо мемнан лиеш”. | 7Но виноградари сказали друг другу: это наследник; пойдем, убьем его, и наследство будет наше. |
| 8 Нуно тудым руалтен кученыт, пуштыныт да виноград аҥа гыч луктын кудалтеныт. | 8И, схватив его, убили и выбросили вон из виноградника. |
| 9 Виноград аҥан озаже ынде мом ышта? Тудо мия, виноград ончышо-влакым пытара, а виноград аҥам весылан пуа. | 9Что же сделает хозяин виноградника? --Придет и предаст смерти виноградарей, и отдаст виноградник другим. |
| 10 Але Возымаште тидым те лудын огыдал: ”Чоҥышо-влакын йӧрдымыш лукмо кӱышт негыз пусак кӱ лийын: | 10Неужели вы не читали сего в Писании: камень, который отвергли строители, тот самый сделался главою угла; |
| 11 тидыже Господь деч, мемнан шинча ончылнына моткоч ӧрыктарыше”».*а | 11это от Господа, и есть дивно в очах наших. |
| 12 Иудей-влакын вуйлатышышт Иисусын туштен ойлымыжо нунын нерген улмым умыленыт, сандене Иисусым тунамак руалтен кучынешт улмаш. Но нуно калык деч лӱдыныт да Иисусым коден каеныт. | 12И старались схватить Его, но побоялись народа, ибо поняли, что о них сказал притчу; и, оставив Его, отошли. |
| 13 Иисусым мутешыже кучаш манын, Тудын деке икмыняр фарисей ден Ирод велке шогышо-влакым колтеныт. | 13И посылают к Нему некоторых из фарисеев и иродиан, чтобы уловить Его в слове. |
| 14 Нунышт миеныт да Тудлан ойленыт: «Туныктышо! Тыйын чын улметым ме палена. Тый еҥлан йӧраш тӧчымӧ нерген от шоно, Тыланет чыла еҥ иктӧр, Юмын корныжлан чын туныктет. Кесарьлан йозакым тӱлаш лиеш але уке? Тудым ме тӱлышаш улына але уке?» | 14Они же, придя, говорят Ему: Учитель! мы знаем, что Ты справедлив и не заботишься об угождении кому-либо, ибо не смотришь ни на какое лице, но истинно пути Божию учишь. Позволительно ли давать подать кесарю или нет? давать ли нам или не давать? |
| 15 Иисус нунын сайла кояш тӧчымыштым пален да каласен: «Молан Мыйым тергеда? Мылам ончалаш динарийым кондыза». | 15Но Он, зная их лицемерие, сказал им: что искушаете Меня? принесите Мне динарий, чтобы Мне видеть его. |
| 16 Тудлан оксам конденыт. Иисус йодын: «Кӧм тышан сӱретлыме? Кӧн лӱмжӧ сералтын?» Нуно вашештеныт: «Кесарьын». | 16Они принесли. Тогда говорит им: чье это изображение и надпись? Они сказали Ему: кесаревы. |
| 17 Тунам Иисус нунылан каласен: «Тыгеже кесарьлан кесарьыным, Юмылан Юмыным пуыза». Нуно Тудлан чот ӧрыныт. | 17Иисус сказал им в ответ: отдавайте кесарево кесарю, а Божие Богу. И дивились Ему. |
| 18 Вара Иисус деке саддукей-влак толыныт. Нуно колышо огеш ылыж манын шотленыт. Нуно йодыныт: | 18Потом пришли к Нему саддукеи, которые говорят, что нет воскресения, и спросили Его, говоря: |
| 19 «Туныктышо! Моисей мыланна тыге возен: иктаж-кӧн ватан, но йочадыме изаже але шольыжо кола гын, тудын ватыжым изаже але шольыжо марлан налшаш. Тидыжым колышын тукымжым шуяш ыштыман.*б | 19Учитель! Моисей написал нам: если у кого умрет брат и оставит жену, а детей не оставит, то брат его пусть возьмет жену его и восстановит семя брату своему. |
| 20 Шым изак-шоляк лийын. Кугуракше ӱдырым налын, йочан лийдеак колен. | 20Было семь братьев: первый взял жену и, умирая, не оставил детей. |
| 21 Сандене тулыкеш кодшо ватыжым шольыжо марлан налын. Но шольыжат колен, тудынат йочаже лийын огыл. Тыгак лийын кумшо денат. | 21Взял ее второй и умер, и он не оставил детей; также и третий. |
| 22 Чыла шымыт тудым марлан налын, иктыштынат йочашт кодын огыл. Чылашт деч вара ӱдырамашат колен. | 22Брали ее за себя семеро и не оставили детей. После всех умерла и жена. |
| 23 Ылыжмекышт, кузе лиеш? Тудо шымытыштынат ватыже лийын гын, колымаш гыч ылыж кынелмеке, кӧн ватыже лиеш?» | 23Итак, в воскресении, когда воскреснут, которого из них будет она женою? Ибо семеро имели ее женою? |
| 24 Иисус каласен: «Те Возымашым да Юмын куатшым огыда пале, сандене йоҥылыш лийыда. | 24Иисус сказал им в ответ: этим ли приводитесь вы в заблуждение, не зная Писаний, ни силы Божией? |
| 25 Колымаш гыч ылыж кынелмеке, еҥ-влак ӱдырымат огыт нал, марланат огыт лек. Нуно пылпомышто Суксо гай лийыт. | 25Ибо, когда из мертвых воскреснут, тогда не будут ни жениться, ни замуж выходить, но будут, как Ангелы на небесах. |
| 26 Колышо-влакын ылыжмышт нерген Моисейын книгаштыже те лудын огыдал мо? Йӱлышӧ вондер*в гыч Юмо Моисейлан ойлен: ”Мый Авраамын Юмыжо, Исаакын Юмыжо, Иаковын Юмыжо улам”.*г | 26А о мертвых, что они воскреснут, разве не читали вы в книге Моисея, как Бог при купине сказал ему: Я Бог Авраама, и Бог Исаака, и Бог Иакова? |
| 27 Юмо колышо-влакын Юмышт огыл, Тудо илыше-влакын Юмышт! Те моткочак йоҥылыш лийыда». | 27Бог не есть Бог мертвых, но Бог живых. Итак, вы весьма заблуждаетесь. |
| 28 Закон туныктышо кокла гыч иктыже, нунын ӱчашымыштым да Иисусын сайын вашештымыжым колмеке, Тудын деке миен йодын: «Кӱштымаш кокла гыч эн тӱҥжӧ кудо?» | 28Один из книжников, слыша их прения и видя, что Иисус хорошо им отвечал, подошел и спросил Его: какая первая из всех заповедей? |
| 29 Иисус вашештен: «Эн тӱҥ кӱштымаш тиде: ”Колышт, Израиль! Господь, мемнан Юмына – икте гына Господь. | 29Иисус отвечал ему: первая из всех заповедей: слушай, Израиль! Господь Бог наш есть Господь единый; |
| 30 Господь Юметым уло шӱмет, уло чонет, уло умылымашет, уло виет дене йӧрате”. Тиде эн тӱҥ кӱштымаш.*д | 30и возлюби Господа Бога твоего всем сердцем твоим, и всею душею твоею, и всем разумением твоим, и всею крепостию твоею, --вот первая заповедь! |
| 31 Кокымшо кӱштымаш тыгаяк кугу: ”Лишылъеҥетым шкендым йӧратыме семынак йӧрате”.*е Нине кок кӱштымаш деч кугужо уке». | 31Вторая подобная ей: возлюби ближнего твоего, как самого себя. Иной большей сих заповеди нет. |
| 32 Закон туныктышо Тудлан каласен: «Моткоч сай, Туныктышо! Тый чыным каласышыч: Юмо икте веле, Тудын деч моло вес Юмо уке. | 32Книжник сказал Ему: хорошо, Учитель! истину сказал Ты, что один есть Бог и нет иного, кроме Его; |
| 33 Юмым уло шӱм, уло уш-акыл, уло чон, уло вий дене йӧратыме, лишылъеҥымат шкендым йӧратыме семын йӧратыме – йӱлалтен пуымо да моло надыр дечат кӱлешанрак».*ж | 33и любить Его всем сердцем и всем умом, и всею душею, и всею крепостью, и любить ближнего, как самого себя, есть больше всех всесожжений и жертв. |
| 34 Закон туныктышын шот дене вашештымыжым ужын, Иисус тудлан каласен: «Тый Юмын Кугыжаныш деч тораште отыл». Тылеч вара Иисуслан нигӧат йодышым пуэдаш тоштын огыл. | 34Иисус, видя, что он разумно отвечал, сказал ему: недалеко ты от Царствия Божия. После того никто уже не смел спрашивать Его. |
| 35 Храмыште туныктен ойлымыж годым Иисус йодын: «Закон туныктышо-влак кузе Христосым Давидын Эргыже манын кертыт? | 35Продолжая учить в храме, Иисус говорил: как говорят книжники, что Христос есть Сын Давидов? |
| 36 Святой Шӱлыш кумылаҥдыме дене Давид шкеже ойлен: ”Господь мыйын Господемлан каласен: Тыйын тушманет-влакым йол йымакет пыштымешкем, пурла велыштем шинче”.*з | 36Ибо сам Давид сказал Духом Святым: сказал Господь Господу моему: седи одесную Меня, доколе положу врагов Твоих в подножие ног Твоих. |
| 37 Давид шкеже Тудым Господь манеш гын, кузе Тудо Давидын эргыже лийын кертеш?» Шуко калык Иисусым кумылын колыштын. | 37Итак, сам Давид называет Его Господом: как же Он Сын ему? И множество народа слушало Его с услаждением. |
| 38 Иисус туныктымаштыже ойлен: «Закон туныктышо-влак деч шекланыза. Нуно чапле вургемым чийымым, калык погынымо верлаште лиймышт годым шкаланышт вуй савымым йӧратат, | 38И говорил им в учении Своем: остерегайтесь книжников, любящих ходить в длинных одеждах и принимать приветствия в народных собраниях, |
| 39 синагоглаште эн ончылно шинчынешт, пайремыште эн пагалыме верым налнешт. | 39сидеть впереди в синагогах и возлежать на первом месте на пиршествах, -- |
| 40 Нуно тулык ӱдырамаш-влакын суртыштым йорлештарат да лӱмжылан гына кужу жап кумалыт. Тыгай-влакым поснак пеҥгыде суд вуча». | 40сии, поядающие домы вдов и напоказ долго молящиеся, примут тягчайшее осуждение. |
| 41 Иисус надыр оксам пыштыме вер ваштареш шинчын да калык тушко надырым кузе пыштымым ончен. Шуко поянже оксам ятыр пыштен. | 41И сел Иисус против сокровищницы и смотрел, как народ кладет деньги в сокровищницу. Многие богатые клали много. |
| 42 Вара ик йорло тулык ӱдырамаш толын да кок лептам, вес семынже кодрантым*и пыштен. | 42Придя же, одна бедная вдова положила две лепты, что составляет кодрант. |
| 43 Иисус тунемшыж-влакым Шкеж деке ӱжын да каласен: «Тыланда чынак ойлем: тиде йорло тулык ӱдырамаш надырым чыла моло еҥ деч шукырак пыштен. | 43Подозвав учеников Своих, Иисус сказал им: истинно говорю вам, что эта бедная вдова положила больше всех, клавших в сокровищницу, |
| 44 Нуно утышт деч пыштеныт, а тудо шкенжын йорлылыкшо деч мо улыжым, илышыжлан мо кӱлмым чыла пуэн». | 44ибо все клали от избытка своего, а она от скудости своей положила всё, что имела, всё пропитание свое. |
*в 12:26 Йӱлышӧ вондер – купина.
*е 12:31 Лев 19:18.
*и 12:42 Кодрант – тыгыде окса единице.
Глава 12