Выбрать язык
Книги Ветхого Завета
Книги Нового Завета
без русского текстаСВЯТОЙ АПОСТОЛ-ВЛАКЫН ПАШАШТ | ДЕЯНИЯ АПОСТОЛОВ |
11 Глава | Глава 11 |
| 1 Вес калык гыч улшо еҥ-влакат Юмын шомакым шӱмышкышт пыштеныт манын, Апостол-влак да Иудейысе иза-шольо-влак колыныт. | 1Услышали Апостолы и братия, бывшие в Иудее, что и язычники приняли слово Божие. |
| 2 Петрын Иерусалимыш толмекыже, пӱчман-влак тудым титаклаш тӱҥалыныт: | 2И когда Петр пришел в Иерусалим, обрезанные упрекали его, |
| 3 «Тый пӱчдыман еҥ-влак деке пуренат да нунын дене кочкынат», – маныныт. | 3говоря: ты ходил к людям необрезанным и ел с ними. |
| 4 А Петр нунылан радам дене каласкалаш тӱҥалын: | 4Петр же начал пересказывать им по порядку, говоря: |
| 5 «Мый Иоппий олаште лийынам да кумалынам, тунам мыйым кугу ӧрмаш авалтен да кончымашым ужынам: кӱшыч волышо лопка вынер гайым ныл лукшо дене пылпомыш гыч мый декем волтеныт. | 5в городе Иоппии я молился, и в исступлении видел видение: сходил некоторый сосуд, как бы большое полотно, за четыре угла спускаемое с неба, и спустилось ко мне. |
| 6 Мый тудым тӱткын онченам да нылйола коштшо мландымбалысе чонан-влакым, янлыкым, нушкын коштшо да кавасе кайык-влакым ужынам. | 6Я посмотрел в него и, рассматривая, увидел четвероногих земных, зверей, пресмыкающихся и птиц небесных. |
| 7 Тыгак мылам ойлышо йӱкымат колынам: ”Кынел, Петр, шӱшкыл да коч”. | 7И услышал я голос, говорящий мне: встань, Петр, заколи и ешь. |
| 8 А мый манынам: ”Уке, Господь, нимогай шакше але ару огыл мыйын умшашкем нигунамат пурен огыл”. | 8Я же сказал: нет, Господи, ничего скверного или нечистого никогда не входило в уста мои. |
| 9 Пылпомыш гыч йӱк кокымшо гана мылам ойлен: ”Мом Юмо эрыктен, тудым тый ару огыллан ит шотло”. | 9И отвечал мне голос вторично с неба: что Бог очистил, того ты не почитай нечистым. |
| 10 Чыла тиде кум гана лийын, вара чылажат угыч пылпомышко налалтын. | 10Это было трижды, и опять поднялось всё на небо. |
| 11 Тунамак мыйын илыме пӧрт ончылан кум еҥ шогалын. Нуным мый декем Кесарий гыч колтеныт улмаш. | 11И вот, в тот самый час три человека стали перед домом, в котором я был, посланные из Кесарии ко мне. |
| 12 Изишат кокытеланыде нунын дене каяш Шӱлыш мылам каласен. Нине куд иза-шольо мый денем пырля каен, да ме ӱжшӧ еҥын пӧртышкыжӧ пуренна. | 12Дух сказал мне, чтобы я шел с ними, нимало не сомневаясь. Пошли со мною и сии шесть братьев, и мы пришли в дом того человека. |
| 13 Тудо мыланна шке пӧртыштыжӧ Суксым ужмыж нерген каласкален. Суксо тудлан ойлен: ”Иоппийыш Петр манме Симоным ӱжын кондаш еҥ-влакым колто. | 13Он рассказал нам, как он видел в доме своем Ангела (святого), который стал и сказал ему: пошли в Иоппию людей и призови Симона, называемого Петром; |
| 14 Тудо тыйымат, мӧҥгысет-влакымат утарыше шомакым тыланет ойла”. | 14он скажет тебе слова, которыми спасешься ты и весь дом твой. |
| 15 А ойлаш тӱҥалмекем, тӱҥалтыште мемнан ӱмбаке волымо семынак, нунын ӱмбакат Святой Шӱлыш волен. | 15Когда же начал я говорить, сошел на них Дух Святый, как и на нас вначале. |
| 16 Тунам мый Господьын кузе ойлымыжым шарналтышым: ”Иоанн вӱд дене тынеш пуртен, а те Святой Шӱлыш дене тынеш пуртымо лийыда”. | 16Тогда вспомнил я слово Господа, как Он говорил: `Иоанн крестил водою, а вы будете крещены Духом Святым'. |
| 17 Тугеже, Господь Иисус Христослан ӱшанаш тӱҥалмекына, Юмо мыланна мом пуэн, нуныланат тугайымак пуэн гын, Юмылан чаракым ышташ кӧ мый улам?» | 17Итак, если Бог дал им такой же дар, как и нам, уверовавшим в Господа Иисуса Христа, то кто же я, чтобы мог воспрепятствовать Богу? |
| 18 Тидым колыштмеке, чылан лыпланеныт да Юмым моктен ойленыт: «Тугеже, Шкенжым палыдыме-влакланат Юмо языкышт деч кораҥаш да илышым налаш йӧным пуэн». | 18Выслушав это, они успокоились и прославили Бога, говоря: видно, и язычникам дал Бог покаяние в жизнь. |
| 19 Стефаным пуштмо деч вара тӱҥалше поктылмашлан кӧра шаланен кайыше-влак Финикий, Кипр, Антиохий марте шуыныт. Нуно Христос нерген шомакым иудей-влак деч молылан нигӧлан каласкален огытыл. | 19Между тем рассеявшиеся от гонения, бывшего после Стефана, прошли до Финикии и Кипра и Антиохии, никому не проповедуя слово, кроме Иудеев. |
| 20 Туге гынат нунын коклаште икмыняр еҥ Кипр да Кириней гыч лийын, нунышт, Антиохийыш толмеке, Господь Иисус нерген Поро Уверым эллин-влакланат каласкаленыт. | 20Были же некоторые из них Кипряне и Киринейцы, которые, придя в Антиохию, говорили Еллинам, благовествуя Господа Иисуса. |
| 21 Господьын кидше нунын дене лийын, пешак шукын Господьлан ӱшанаш тӱҥалыныт да Тудын велке савырненыт. | 21И была рука Господня с ними, и великое число, уверовав, обратилось к Господу. |
| 22 Тидын нерген уверым Иерусалимысе черке колын, да Варнавам Антиохийыш колтеныт. | 22Дошел слух о сем до церкви Иерусалимской, и поручили Варнаве идти в Антиохию. |
| 23 Тудо, толмекыже, Юмын порылыкшым ужынат, моткоч куанен да чылаштымат Господь дене уло шӱм-чон дене ушнен шогаш ӱжын. | 23Он, прибыв и увидев благодать Божию, возрадовался и убеждал всех держаться Господа искренним сердцем; |
| 24 Тудо Святой Шӱлыш да ӱшанымаш дене тич темше поро пӧръеҥ лийын. Господь деке еҥ-влак шукырак ушненыт. | 24ибо он был муж добрый и исполненный Духа Святаго и веры. И приложилось довольно народа к Господу. |
| 25 Вара Варнава Тарсыш Савлым кычалаш каен, тудым муын да Антиохийыш конден. | 25Потом Варнава пошел в Тарс искать Савла и, найдя его, привел в Антиохию. |
| 26 Нуно тушто идалык мучко черке погынымашым чумыреныт да шуко еҥым туныктеныт. Антиохийыште тунемше-влакым эн ондак христиан манаш тӱҥалыныт. | 26Целый год собирались они в церкви и учили немалое число людей, и ученики в Антиохии в первый раз стали называться Христианами. |
| 27 Тудо кечылаште Иерусалим гыч Антиохийыш пророк-влак толыныт. | 27В те дни пришли из Иерусалима в Антиохию пророки. |
| 28 Нунын кокла гыч иктыже, Агав лӱманже, кынел шогалынат, уло тӱня мучко кугу шужымаш лийшаш нерген Шӱлыш кумылаҥдыме дене ончылгоч палдарен. Шужымашыже Клавдий кесарь годым лийын. | 28И один из них, по имени Агав, встав, предвозвестил Духом, что по всей вселенной будет великий голод, который и был при кесаре Клавдии. |
| 29 Тунам тунемше-влак, кажныже кертмыж семын, Иудейысе иза-шольо-влаклан полышым колташ пунчалыныт. | 29Тогда ученики положили, каждый по достатку своему, послать пособие братьям, живущим в Иудее, |
| 30 Нуно тыгак ыштеныт, погымыштым Варнава ден Савл дене пырля пресвитер-влаклан колтеныт. | 30что и сделали, послав собранное к пресвитерам через Варнаву и Савла. |
Глава 11