Выбрать язык
Книги Ветхого Завета
Книги Нового Завета
без русского текстаСВЯТОЙ АПОСТОЛ-ВЛАКЫН ПАШАШТ | ДЕЯНИЯ АПОСТОЛОВ |
21 Глава | Глава 21 |
| 1 Нунын деч ойырлен кайымеке, теҥызыш лекна да вик Косыш мийышна, вес кечынже – Родосыш, тушечын Патараш кайышна. | 1Когда же мы, расставшись с ними, отплыли, то прямо пришли в Кос, на другой день в Родос и оттуда в Патару, |
| 2 Тушто Финикийыш кайыше корабльым муна, тушко шична да кайышна. | 2и, найдя корабль, идущий в Финикию, взошли на него и отплыли. |
| 3 Кипр кояш тӱҥалмеке, тудым шола могырым коден, ме Сирийыш ийна да Тирыш шуна. Тушто корабль сатум ястарышаш улмаш. | 3Быв в виду Кипра и оставив его слева, мы плыли в Сирию, и пристали в Тире, ибо тут надлежало сложить груз с корабля. |
| 4 Ме тысе тунемше-влакым кычал муна, тушто шым кече лийна. Иерусалимыш кайыме ок кӱл манын, Шӱлышын палдарымыж почеш нуно Павеллан ойленыт. | 4И, найдя учеников, пробыли там семь дней. Они, по внушению Духа, говорили Павлу, чтобы он не ходил в Иерусалим. |
| 5 Но, тушто нине кечым эртарымеке, ме лекна да кайышна. Чылан, ола гыч лектын, мемнам ватышт да йочашт дене пырля ужатен тольыч. Сер воктене сукен шинчын кумална. | 5Проведя эти дни, мы вышли и пошли, и нас провожали все с женами и детьми даже за город; а на берегу, преклонив колени, помолились. |
| 6 Ме икте-весе дене чеверласышна да корабльыш шична, а нуно мӧҥгышкышт пӧртылыныт. | 6И, простившись друг с другом, мы вошли в корабль, а они возвратились домой. |
| 7 А ме Тир гыч Птолемаидаш корабль дене толна. Тыге мемнан теҥыз дене коштмо корнына мучашке шуо. Иза-шольо-влак дене саламлалтмеке, нунын дене ик кече лийна. | 7Мы же, совершив плавание, прибыли из Тира в Птолемаиду, где, приветствовав братьев, пробыли у них один день. |
| 8 Вес кечынже Павел да ме, тудын дене пырля лийше-влак, кайышна да Кесарийыш миен лекна, Поро Уверым каласкалыше Филиппын пӧртышкыжӧ пурышна да тудын дене кодна. Шым диакон гыч тудо иктыже улмаш.*а | 8А на другой день Павел и мы, бывшие с ним, выйдя, пришли в Кесарию и, войдя в дом Филиппа благовестника, одного из семи диаконов, остались у него. |
| 9 Тудын марлан лекдыме да пророклен ойлышо ныл ӱдыржӧ лийын. | 9У него были четыре дочери девицы, пророчествующие. |
| 10 Тушто ятыр кечым эртарымына годым Иудей гыч Агав лӱман пророк толын. | 10Между тем как мы пребывали у них многие дни, пришел из Иудеи некто пророк, именем Агав, |
| 11 Тудо мемнан деке миен, Павелын ӱштыжым налын да шкенжын кид-йолжым пидын, вара каласен: «Святой Шӱлыш тыге ойла: иудей-влак Иерусалимыште тиде ӱштын озажым тыге пидыт да вес калык еҥ-влакын кидышкышт пуат». | 11и, войдя к нам, взял пояс Павлов и, связав себе руки и ноги, сказал: так говорит Дух Святый: мужа, чей этот пояс, так свяжут в Иерусалиме Иудеи и предадут в руки язычников. |
| 12 Кунам тидым колна, тунам ме да тусо ӱшаныше-влак, Иерусалимыш ынже кай манын, Павелым сӧрвалышна. | 12Когда же мы услышали это, то и мы и тамошние просили, чтобы он не ходил в Иерусалим. |
| 13 Но тудо вашештен: «Мом те ыштеда? Молан шортыда да шӱмем шӱлыкаҥдеда? Мый Иерусалимыште Господь Иисусын лӱмжӧ верч пидме лияш веле огыл, а колашат ямде улам». | 13Но Павел в ответ сказал: что вы делаете? что плачете и сокрушаете сердце мое? я не только хочу быть узником, но готов умереть в Иерусалиме за имя Господа Иисуса. |
| 14 Тудо мемнан мутым колыштын огылат, сӧрвалымым чарнышна да ойлышна: «Тек Господьын шонымыжо семын лиеш». | 14Когда же мы не могли уговорить его, то успокоились, сказав: да будет воля Господня! |
| 15 Нине кече деч вара ме корныш ямдылалтна да Иерусалимыш кайышна. | 15После сих дней, приготовившись, пошли мы в Иерусалим. |
| 16 Мемнан дене пырля Кесарий гыч икмыняр тунемше миен, нуно мемнам Кипр гыч толшо Мнасон деке уна лийын илаш намиеныт. Мнасон тунемше-влак кокла гыч ик эн ончычсо лийын. | 16С нами шли и некоторые ученики из Кесарии, провожая нас к некоему давнему ученику, Мнасону Кипрянину, у которого можно было бы нам жить. |
| 17 Иерусалимышке толмекына, иза-шольо-влак мемнам куанен вашлийыныт. | 17По прибытии нашем в Иерусалим братия радушно приняли нас. |
| 18 Вес кечын Павел мемнан дене пырля Иаков деке каен. Тушко пресвитер-влак чылан миеныт. | 18На другой день Павел пришел с нами к Иакову; пришли и все пресвитеры. |
| 19 Павел нунын дене саламлалтын да тудын служитлыме пашаж гоч вес калык еҥ-влак коклаште Юмын мом ыштымыжым радамлен каласкален. | 19Приветствовав их, Павел рассказывал подробно, что сотворил Бог у язычников служением его. |
| 20 Тудын ойлымыжым колыштмеке, нуно Юмым моктеныт да Павеллан ойленыт: «Ужат, иза, иудей коклаште ӱшанаш тӱҥалше-влак тӱжем дене улыт, нуно чыланат иудей закон верч тыршен шогат. | 20Они же, выслушав, прославили Бога и сказали ему: видишь, брат, сколько тысяч уверовавших Иудеев, и все они ревнители закона. |
| 21 А тыйын нерген нуно шуко колыныт, пуйто вес калык-влак коклаште илыше чыла иудейым Моисейын законжо деч кораҥаш туныктет, йочаштлан пӱчмӧ йӱлам эртараш да йӱла почеш илаш чарет. | 21А о тебе наслышались они, что ты всех Иудеев, живущих между язычниками, учишь отступлению от Моисея, говоря, чтобы они не обрезывали детей своих и не поступали по обычаям. |
| 22 Тыгеже мом ыштыман? Еҥ-влак тыйын толмет нерген пален налыт, векат, шукын погынат. | 22Итак что же? Верно соберется народ; ибо услышат, что ты пришел. |
| 23 Кузе ме тыланет каласена, туге ыште: мемнан коклаште Юмылан мутым пуышо ныл пӧръеҥ уло. | 23Сделай же, что мы скажем тебе: есть у нас четыре человека, имеющие на себе обет. |
| 24 Нуным пеленет нал да эрныме йӱлам нунын дене пырля эрте, ӱпыштым тӱредыктен кертышт манын, нунын олмеш тӱлӧ. Тыйын нерген ойлыштмаш чын огыл, тый шкежат закон почеш илет манын, тунам чылан пален налыт. | 24Взяв их, очистись с ними, и возьми на себя издержки на жертву за них, чтобы остригли себе голову, и узнают все, что слышанное ими о тебе несправедливо, но что и сам ты продолжаешь соблюдать закон. |
| 25 А ӱшанаш тӱҥалше вес калык еҥ-влакын пашашт шотышто ме ондакак пунчалынна. Тек нуно нимом тыгайым огыт шукто. Шояк юмылан пуымо надыр деч, вӱр деч, пич каен колышо вольык ден янлык деч да яжарланыме деч шкеныштым кучышт манын, нунылан серыш дене увертаренна». | 25А об уверовавших язычниках мы писали, положив, чтобы они ничего такого не наблюдали, а только хранили себя от идоложертвенного, от крови, от удавленины и от блуда. |
| 26 Тунам Павел нине ныл еҥым налын да вес кечынже нунын дене пырля эрныме йӱлам эртен, а вара храмыш пурен, эрналтме кече-влак кунам пытыме да кажне верч надырым кунам пуаш кӱлмӧ нерген увертарен. | 26Тогда Павел, взяв тех мужей и очистившись с ними, в следующий день вошел в храм и объявил окончание дней очищения, когда должно быть принесено за каждого из них приношение. |
| 27 Нине шым кече мучашыш шумо годым Асийысе иудей-влак, Павелым храмыште ужын, уло калыкым пудыратеныт, ӱмбакыже кид дене шуыныт | 27Когда же семь дней оканчивались, тогда Асийские Иудеи, увидев его в храме, возмутили весь народ и наложили на него руки, |
| 28 да кычкыреныт: «Израильысе еҥ-влак, полшыза! Тиде еҥак мемнан калык, мемнан закон да тиде вер ваштареш чыла вере туныкта, адакшым тышке эллин-влакымат пуртен да тиде святой верым амыртен!» | 28крича: мужи Израильские, помогите! этот человек всех повсюду учит против народа и закона и места сего; притом и Еллинов ввел в храм и осквернил святое место сие. |
| 29 Нуно Ефес гыч толшо Трофимым тудын дене пырля олаште тылеч ончыч ужыныт да, Павел тудым храмыш пуртен манын, шоненыт. | 29Ибо перед тем они видели с ним в городе Трофима Ефесянина и думали, что Павел его ввел в храм. |
| 30 Уло ола пудыранен, да чыла могырым калык куржын толын, Павелым руалтен кученыт, храм гыч тӱгӧ шупшын луктыныт да капка-влакым тунамак тӱкыленыт. | 30Весь город пришел в движение, и сделалось стечение народа; и, схватив Павла, повлекли его вон из храма, и тотчас заперты были двери. |
| 31 Нуно Павелым пуштнешт улмаш, но уло Иерусалим пудыранен манме увер полк вуйлатыше деке шуын. | 31Когда же они хотели убить его, до тысяченачальника полка дошла весть, что весь Иерусалим возмутился. |
| 32 Тудо тунамак, шӱдывуй ден сарзе-влакым налын, калык деке писын каен. Вуйлатыше ден сарзе-влакым ужмеке, Павелым кырымым чарненыт. | 32Он, тотчас взяв воинов и сотников, устремился на них; они же, увидев тысяченачальника и воинов, перестали бить Павла. |
| 33 Тунам полк вуйлатыше лишемын, Павелым кучен да кок шинчыр дене шинчырлаш кӱштен, вара йодын: «Кӧ тудо да мом ыштен?» | 33Тогда тысяченачальник, приблизившись, взял его и велел сковать двумя цепями, и спрашивал: кто он, и что сделал. |
| 34 Калык тӱшкаште икте иктым кычкырен, весе – весым, а вуйлатыше йӱк-йӱанлан кӧра нимом раш пален кертын огылат, Павелым карманыш наҥгаяш кӱштен. | 34В народе одни кричали одно, а другие другое. Он же, не могши по причине смятения узнать ничего верного, повелел вести его в крепость. |
| 35 А кунам Павел тошкалтыш деке миен шуын, калык шыгыремдымылан кӧра сарзе-влаклан тудым нумал наҥгаяш логалын. | 35Когда же он был на лестнице, то воинам пришлось нести его по причине стеснения от народа, |
| 36 Шуко еҥ почешышт каен да кычкырен: «Тудлан колымаш!» | 36ибо множество народа следовало и кричало: смерть ему! |
| 37 Карманыш пуртымо годым Павел полк вуйлатыше деч йодын: «Мылам иктаж-мом тылат каласаш лиеш мо?» А тудыжо манын: «Тый греклат моштет? | 37При входе в крепость Павел сказал тысяченачальнику: можно ли мне сказать тебе нечто? А тот сказал: ты знаешь по-гречески? |
| 38 Тугеже шукерте огыл пудыранымашым нӧлталше да ныл тӱжем саргуралан еҥым ир мландыш наҥгайыше саде египет еҥ отыл?» | 38Так не ты ли тот Египтянин, который перед сими днями произвел возмущение и вывел в пустыню четыре тысячи человек разбойников? |
| 39 Павел вашештен: «Мый иудей улам, Киликийысе кумдан палыме Тарс олан гражданже. Тый дечет йодам: калыклан ойлаш мыланем эрыкым пу». | 39Павел же сказал: я Иудеянин, Тарсянин, гражданин небезызвестного Киликийского города; прошу тебя, позволь мне говорить к народу. |
| 40 Полк вуйлатыше келшен, да Павел тошкалтышке шогалын, калык ончылно кидшым нӧлталын, а кунам чылан шып лийыныт, нунылан еврейла ойлаш тӱҥалын: | 40Когда же тот позволил, Павел, стоя на лестнице, дал знак рукою народу; и, когда сделалось глубокое молчание, начал говорить на еврейском языке так: |
*а 21:8 Ончо Ап.паш 6:1-7.
Глава 21