Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
АВРААМ МАКССЫ ОЗКАЗНЕНДИ ИСААКОНЬ
Ётась киза, кода Авраамонь пяли сашендсть кулянь кандыхть Шкайть эзда, и Сарра шачфтсь цёра. Авраам лемдезе сонь Исаакокс.
Мзярда Исаак кассь, Азорсь арьсесь ваномс Авраамонь тейнза кемаманц и кельгоманц. Шкайсь пшкядсь тейнза тяфтама валса: «Сявк Исааконь, фкя-тяка цёрацень, конань кельгсак; архт Мориа модати, тоса фкя панда пряса, конань няфтьса тейть, макск сонь плхтамань озказненди».
Стакаль тянь тиемс Авраамонди. Аньцек сон ёрась пяшкодемс семботь, мезьс кошарязе Шкайсь, сяс мес кельгозе Азорть марнек седиса. Сон лазондсь пенгат, маразень оселть лангс, сявозень мархтонза кафта покодиензон, Исааконь и тусь вастти, конань няфтезе Азорсь.
Исаак ашезе сода, мезе аляц максы озказненди, кизефтезе: «Аляй, вов толсь, пенгятне, коса ина плхтаманди вероскясь?» Авраам каршезонза: «Шкайсь муй эстейнза вероскя плхтаманди, цёрай».
Мориа пандти пачкодемста, Авраам алу кадозень покоди ломанензон, куцсь панда пряв и тись алтарь; маразень пенгятнень, сотнезе Исааконь и путозе алтарти... Апак учентт Шкаень ангелсь серьгядсь тейнза менельста: «Авраам! Авраам!... Тяк кепсе кядцень идть лангс, тят тие мезевок мархтонза. Тяни мон содаса – пелят Шкайть эзда, ашить ужяльде тяка цёраценьге монь инксон... Бславазь, бславате тонь...»
ШАЧЕМА 22:1-18
44 
