Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПАВЕЛ ФЕСТ ОЦЮНЯТЬ ИНГОЛЕ
Ерусалимса курокста Павелонь сявозь. Омбоце шиня сявомдонза меле пякстамкудста сонь вятезь евреень инь вярдень судс – Оцю пуромксу. Тевонц ваномста пуромфне сяшкава лиссть эсьстост, аноктольхть сязендемс Павелонь. Сонь аралазе римонь тёжянень вятись эсь ушманонзон мархта.
Сяка веня пякстамкудса Павелонди эвондась Азорсь, мярьгсь: «Киртть, Павел; кода тон азондоть колган Ерусалимса, тяфта эряви азондомс Римсовок». Омбоце шиня нильгемоньда лама иудей макссь вал аф ярхцамс, аф симомс, мзярс аф шавсазь Павелонь. Тянь кулемста тёжянень вятись ильхтезе Павелонь Кесарияв, ки кувалма ванозь сонь 200 ялга моли, 70 ластя арды и 200 налса ляци ушман. Эста тя ошсь ульсь Иудеяса римонь оцюнятненди эряма вастокс. Кесарияса Павелонь вятезь кизефнемс Феликс римонь оцюняти. Ся ашезь му мезьса муворгофтомс Павелонь, аньцек сяка пякстафтозе сонь кафта кизос.
Кафта кизода меле Феликсонь вастозонза озафтозь Порций Фестонь. Мзярошка шинь ётазь, Агриппа оцязорсь Вереника сазоронц мархта састь Кесарияв Фестонди пара валонь азома. Тоса Фест азондсь Павелонь колга, сятненьге эвондась мяльсна кулхцондомс Павелонь валонзон. Павел азондсь эсь эряфонц колга, Азорти шарфтоманц и Кристосонь колга: «Шкайсь тячиень шить самс лезды тейне, и вов мон ащан тяса, корхтан ёмлати и оцюти... Кристосонди эрявсь лама кирдемс и кулофста васенцекс вельмамс. Сон канды валда эсь ломаньтналонцты и виде шкайфтомотненди». «Мзярда сон тяфта аралась пря, Фест вярьгак вайгяльхть мярьгсь: "Ёньцта лисендят, Павел! Оцю содамошитне шорязь пряцень". "Аф, Фест пара ширяз, – мярьгсь сон, – мон ашень лисе ёньцта, а корхтан видексонь валхт и шумбра ёнень мяльхть... Эняльделень Шкайти... катк тячиень кулхцондыне аральхть монь лацон сембоса, аньцек ня цинзерфтома».
ТЕФНЕ 23-26
482 
