Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПАВЕЛ РИМУ КИ ЛАНГСА
Павел содазе, сон ашезь тие мезеньге кальдяв, сяс анась кесарень суд. Тянкса сонь лия пякстафнень мархта оцювенчса ильхтезь Риму, ваномонза ладяфоль Юлий сядонь вятись.
Уемстост оцюведьса кеподсь вии давол, оцювенчть сей-тов каннезе ведень комболфсь. Колмоце шиня ломаттне ёрязь ведти сембе паршиснон. Аньцек даволсь ашезь лотксе лама ши, сембе арьсесть ни – аф идеви прясна. Куватьс кивок мезьдонга ашезь ярхца. Эста Павел стясь кучказост, мярьгсь: «... Кирдеда, ёткстонт фкявок вайме аф юмай, ваяй аньцек оцювенчсь. Ангелоц ся Шкайть, кона Азорозе и конанди покодян, эвондакшнесь тейне тя веня и мярьгсь: "Тят пеле, Павел! Тейть улема кесарть инголе, сяс Шкайсь казезень тейть мархтот сембе уихнень". Кеподесть мялентень, алят, мон кеман Шкайти, кармай улема стане, кода тейне азфоль. Минь ёрдасамазь кодамовок мода пакш лангс».
Кемнилиеце шиня оцювенчень вятихне няйсть усия*а, и синь срхкасть видезонза лоткафтомс оцювенчснон. Апак учт оцювенчсь озась маця вастс стане, мянь нярец пезсь и сяда тов ашезь шерьхков ни, а фталонц срафнезе-калафнезе ведень комболфсь. Сядонь вятись мярьгсь уема маштыхненди уемс модати, а лядыхненди идемс пря седяфонь али мезень лиянь лангса. Тяфта оцювенчста сембе кафта сятт сизьгемонь котува ломанць идевсь. Ся усиянь эряйхне васьфтезь синь лямбоста, и тоса Азорсь тись лама ацерма Павелонь вельде. Колма ковда меле синь поладозь киснон Риму лия оцювенчса. Тумдост инголе усиянь эряйхне макссть мархтот мезе эряви, кода маштсть стане пандозь пароснон Павелонь инкса, кона тоса пчкафтозень ламотненьурмаснон.
Павел стаки покодсь Азорти и кирдсь кодама-повсь сталмот. Сон седиге кемась: эрь аськолксонц вятьсы инь оцю и ляпе вайме Шкайсь. Римонь кемайхненди эсь сёрмасонза сон сёрмадсь: «...Шкаень кельгихненди, кит тертьфть сонь мяленц коряс, сембось моли парс».
ТЕФНЕ 25:1-12; 27:14-44; 28:1-11
*а Усия – остров.
484 
