Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПАВЕЛ РИМСА
«Мзярда састь Риму, Павелонди мярькфоль эрямс башка, ушман ваныенц мархта. Колма шида меле Павел серьгядезень иудеень инь содавикс ломаттнень... Азф шиня пяк ламотне састь эряма вастозонза; и сон шобдаваста илядьс азондсь тейст Шкаень Оцязорксшить колга, ёрась кемафтомс синь Исусонди Моисеень Коенц и шкаймаряйхнень книгаснон вельде. Финцне кемасть валонзонды, омбонцне ашесть кема. Павел азозе: "Лац азозе Иняру Ваймопожфсь аляньконди Исайя шкаймаряйть вельде: 'Архт ся ломаньтналти и мярьк: пилеса кульсасть и аф шарьхкодьсасть; сельмоса ванцасть и аф няйсасть; сяс мес казямгодсть ня ломаттнень седисна, пилесонга стакаста кулихть, сельмоснонга конезь, афольхть няе сельмоса, афольхть куле пилеса, седисна афольхть шарьхкоде, и афи шарфтыхть тейне пряснон пчкафтоманкса.' Тяфта улеза тейнть содаф: Шкайсь кучсь куля идемать колга лия ломаньтналхненди: синь марясазь". Мзярда азозе тянь, иудейхне эсь ётковаст пялькстазь тусть.
Эрясь Павел сивотьф эряма вастсонза (Римса) мянь кафта кизот, васьфнезень тейнза сембе сашендыхнень, азондсь Шкаень Оцязорксшить колга и тонафтсь Исус Кристос Азорть колга мезьдонга аф пелезь, и кивок тейнза тя тевса ашезь шорсе». Ня валхнень мархта шумордави "Апостолхнень тевсна".
Лувихнень, улема, мяльсна содамс, мезе меколи лиссь Павел апостолть мархта. Библияса тя педа-пес апак азонтт. Озкскуротненди и эсост покодихненди Павел апостолть сёрманзон эзда и лия сёрматфнень коряс маряви: Павел ня кафта кизода меле нолдафоль. Одукс пякстамазонза сон стаки азондозе пара кулять Италияса, Грецияса, Ёмла Азияса. Кунардонь азкснень коряс, Павелонь муцендазь кулофтозь кристиаттнень панцемстост римонь кяжи оцязорть Нерононь пингста.
ТЕФНЕ 28:23-31
486 
