Bible Stories
Choose language
Choose Old Testament Story
Choose New Testament Story
АПОСТОЛЪЯСЛÖН МÖДÖДÖМ ГИЖÖДЪЯС
Исус Кристослöн енэжö кыпöдчöм бöрын Бур Юöр пондiс öдйö паськавны Римса империяын, а сэсся став му пасьтала. Дзескöдöм-вöтлöмъяс дырйи Исуслöн велöдчысьяс разалiсны уна каръясö да муясö, кöнi повтöг висьтавлiсны Енлысь Кывсö. Ен збыльмöдлiс налысь висьталöмсö шензьöданаторъясöн: кор найö кевмысьлiсны Енлы Исус нимöн, висьысьяс бурдлiсны, синтöмъяс кутiсны аддзыны, коктöмъяс кутiсны ветлöдлыны и весиг кулöмаяс ловзьылiсны. Эскысьясöс ёна дзескöдiсны, но налöн эскöмыс отсалiс венны став сьöкыдлунсö.
Апостолъяс гижисны вичкояслы, медым вынсьöдны эскысьясöс. Мöдöдöм гижöдъяссö найö гижисны Енлöн ышöдöм да Вежа Лов нуöдöм улын. Тайöс тöдöмöн Кристослы медводдза эскысьяс видзисны тайö гижöдъяссö да выльпöв гижалiсны найöс. Тайö вöлi ыджыд удж, öд сэки гижисны ки помысь. Гижисны турунысь вöчöм папирус вылö да пемöс ку вылö, мöд ногöн кö, пергамент вылö. Эскысьяс лыддисны гижöдъяссö вичкоясын да гортаныс, сетлiсны тшöтш лыддьыны ёртъясныслы. Татшöм ногöн найö паськöдiсны Енлысь Кывсö.
488 
