Bible Stories
Choose language
Choose Old Testament Story
Choose New Testament Story
ВОКЪЯС ВУЗАЛÖНЫ ÖСИПÖС
Медыджыд вокыс Рувим эз кöсйы вины Öсипöс, а мöвпыштiс дорйыны сiйöс, медым бöр мöдöдны батьыс дiнö. Та вöсна Рувим кутiс вöйпöдны вокъяссö, медым оз вины Öсипöс, а сöмын шыбитасны гуас. Вокъяс кывзысисны Рувимлысь. Кор Öсип локтiс вокъясыс дiнö, найö пöрччöдiсны сы вылысь паськöмсö, а асьсö шыбитiсны гуö.
Сэсся вокъяс аддзисны вузасьысьяслысь караван. Сэки Иуда вöзйис вокъясыслы вузавны Öсипöс. Найö воисны öти кывйö да вузалiсны вокнысö кызь эзысь сьöмысь.
Вузасьысьяс нуисны Öсипöс Египетö. А вокъяс начкисны кöзаöс да вирöсьтiсны Öсиплысь паськöмсö. Сэсся вайисны паськöмсö батьыслы да шуисны: «Ми аддзим тайö паськöмсö. Видзöдлы, пиыдлöн-ö тайö?» Яков тöдiс да шогысла горöдiс: «Тайö менам пилöн паськöмыс! Лёк звер сiйöс сёйöма, Öсип пиöс косявлöма!» Яков кыз синваöн бöрдiс муса пиыс вöсна. Сiйö эз тöд, мый пияныс пöръялiсны сiйöс.
Олöм 37:21-35
64 
