Bible Stories
Choose language
Choose Old Testament Story
Choose New Testament Story
ÖСИП – ПОТИФАР КЕРКАÖН ВЕСЬКÖДЛЫСЬ
Вузасьысьяс воисны Египетö да вузалiсны Öсипöс кесйöг пыдди Потифарлы, фараонöс видзысьяслöн юралысьлы. Потифар казялiс, мый Öсип бура вöчö быд удж, та вöсна индiс Öсипöс веськöдлыны став аслас овмöсöн. Öсип век шыасьлiс Ен дiнö, и Ен быдторйын отсавлiс сылы. Öсип вöсна Ен бурсиис тшöтш Потифарлысь керкасö. Сылы эз ков тöждысьны аслас овмöс вöсна, öд Öсип бура веськöдлiс сылöн керканас.
Öсип вöлi синмö шыбитчана том морт. Потифарлöн гöтырыс эз тöд Енмöс да сылысь тшöктöмъяссö. Сiйö тшöкыда чöвтлiс синсö Öсип вылö, зiлис ыштöдны *а Öсипöс узьны сыкöд. Но Енмöс радейтысь Öсип эз сэтчы сылöн ыштöдöмлы да шуис: «Ме ог кöсйы вöчны тайö ыджыд лёкторсö да мыжсö Ен водзын!»
Кор Потифарлöн гöтырыс гöгöрвоис, мый Öсип оз кöсйы узьны сыкöд, шуис водзöс мынтыны сылы. Ань ылöдлöмöн удтысис верöсыслы да мыжалiс Öсипöс: «Еврей кесйöгыд, кодöс тэ вайöдiн миянö, волiс менö мырдöнавны. Ме кутi горзыны, и сiйö пышйис, весиг колис ассьыс паськöмсö». Кор Потифар, Öсиплöн ыджыдыс, кылiс гöтырыслысь кывъяссö, пузис лёкысла. Сiйö тшöктiс пуксьöдны Öсипöс дзескыдiнö*б.
Олöм 39:1-20
*а ыштöдны – искушать
*б дзескыдiн – тюрьма
66 
