Your word is a lamp to my feet

Bibles in the Fenno-Ugric languages



Bible Stories

Choose Language


Choose Old Testament Story

Choose New Testament Story

МЕССИЯТЬ ВАСЕНЦЕ САМАНЦ КОЛГА ИНГОЛИ АЗОМАТНЕ

Шкай Азорсь кочкась модать лангса фкя ломаньтнал, кона ванфтолезе тейнза кемамать, эряль сонь кошардомвалонзон коряс. Кочказень сон израилень ломаттнень. Шкайсь сидеста эсь шкаймаряензон вельде корхнесь израилень ломаньтналти масторлангонь Идить – Мессиять саманц колга. Нинге Исус Кристосонь шачемада сисем сятт кизода инголе Исаия шкаймаряйсь ингольпяли няезь азозе: «Иднясь шачсь тейнек; цёра максф тейнек. Азорксшись лафтувонзон лангса, и максыхть сондейнза лем: Вельф цебярь, Ёнень максы, вии Шкай, пефтома пингонь Аля, седиень пети Ширяз».

Михей шкаймаряйсь азондозе нльне сянь, коса шачи Мессиясь: «Тон Бетлеем-Ефрата, сембода ёмлат Иудань юропнень ёткста! Но тоньцтот лиси тейне ся, конанди улема Израилень Вятикс. Сонь юронза ушеткссот, пефтома пингть эсот».

Исаия шкаймаряйть книганц 53 пяльксонзон эзда содасаськ, мезенкса васендакиге сась Мессиясь: «Сон сявозень лангозонза лафчашиньконь, кандозень урманьконь. А минь арьсеме, бта Шкайсь пантфтозе шумонц, апалязе и люпштазе эсь пежетензон инкса. Аньцек сон пялентьфоль-сялгонтфоль минь пежетеньконь инкса и муцендаф минь койфтомашиньконь инкса. Марнек масторлангть шумонь пантфтомац сонь лангсонзоль, сонь сярятьфонзон вельде пчкаме. Сембе минь учакс эрьгаскоткшнеме, эрьсь шарфтсь эсь кизонза; и Азорсь путозень лангозонза сембонь минь пежетеньконь. Сон ульсь сязентьф-пялентьф, аньцек няезень аф няематнень эсь мяленц коряс, кургонцка ашезе панчсе; кода учань, сонь вятезь печкомс, кода вероскя ащи нараензон инголе вайгяльфтома, тяфта сон ашезе панчсе кургонц».

Тяфта афкукс сембось пяшкодсь! Сембось тя эсь пингстонза лиссь Исус Кристосонь мархта. Сяда тов тя книгаса азондови Исус Кристосонь шачеманц, сонь эряфонц и тонафтоманц, куломанц и кулофста вельмаманц колга.

ПСАЛМАТ 13:3; ИСАИЯ 9:6, 53 пакшсь; МИХЕЙ 5:2

предыдущий рассказ 278 следующий рассказ